ಕೊರೊನಾ ಲಸಿಕೆ ಬಳಿಕ 100ನೇ ಹುಟ್ಟುಹಬ್ಬ ಆಚರಿಸಿಕೊಂಡ 3 ಸ್ನೇಹಿತರು..!
3 ಸ್ನೇಹಿತರು ಕೋವಿಡ್ -19 ಲಸಿಕೆಗಳನ್ನು ತೆಗೆದುಕೊಂಡ ನಂತರ ತಮ್ಮ 100 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡ ಹೃದಯಸ್ಪರ್ಶಿ ಪೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ಮ್ಯಾನ್ಹ್ಯಾಟನ್ನ ಅಪ್ಪರ್ ವೆಸ್ಟ್ ಸೈಡ್ನಲ್ಲಿರುವ ಆಟ್ರಿಯಾ ಸೀನಿಯರ್ ಲಿವಿಂಗ್ ಸಮುದಾಯದಲ್ಲಿನ ಮೂರು ಮಹಿಳೆಯರು ಜೂನ್ ತಿಂಗಳಲ್ಲಿ ತಮ್ಮ ಮನೆಯಲ್ಲಿ 100 ನೇ ವರ್ಷಕ್ಕೆ ಕಾಲಿಟ್ಟ ವಿಶೇಷ ದಿನವನ್ನು ಆಚರಿಸಿಕೊಂಡಿದ್ದಾರೆ.
ಜೂನ್ 8 ರಂದು ನಡೆದ ಪಾರ್ಟಿಯಲ್ಲಿ ಲಸಿಕೆ ಪಡೆದಿರುವ ರುತ್ ಶ್ವಾರ್ಟ್ಜ್, ಎಡಿತ್ ಮಿಟ್ಜಿ ಮಾಸ್ಕೋ ಮತ್ತು ಲೋರೆನ್ ಪಿರೆಲ್ಲೊ ತಮ್ಮ ಕುಟುಂಬ ಸದಸ್ಯರು ಮತ್ತು ಆಪ್ತರೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಂಡರು.
ಲೋರೆನ್ ತಮ್ಮ ಜನ್ಮದಿನದಂದು ಸ್ನೇಹಿತರ ಗುಂಪನ್ನು ರೆಸ್ಟೋರೆಂಟ್‌ನಲ್ಲಿ ಭೇಟಿಯಾದರು. “ನಾನು ಈಗ ತುಂಬಾ ಸಂತೋಷವಾಗಿದ್ದೇನೆ, ನಾನು ಜೀವಂತವಾಗಿದ್ದೇನೆ ಎಂದು ನನಗೆ ಖುಷಿಯಾಗುತ್ತಿದೆ” ಎಂದು ಅವರು ಹೇಳಿದರು.
“ಇದು ಅಸಾಧಾರಣ ಮತ್ತು ನನಗೆ ತುಂಬಾ ರೋಮಾಂಚನವಾಯಿತು. ಕ್ಯಾಲಿಫೋರ್ನಿಯಾದ ತನ್ನ ಮಗ ಮತ್ತು 2 ವರ್ಷದ ಮೊಮ್ಮಕ್ಕಳನ್ನು ಎರಡು ವರ್ಷಗಳ ಬಳಿಕ ನೋಡಿದಾಗ ಅದು ಒಂದು ಭಾವನಾತ್ಮಕ ಕ್ಷಣವಾಗಿತ್ತು. ಇದು ಒಂದು ಉತ್ತಮ ಅನುಭವ” ಎಂದು ರುತ್ ಹೇಳಿದರು.
ಬ್ರೂಕ್ಲಿನ್ ಮೂಲದ ಎಡಿತ್ ಮಾಸ್ಕೋ ಅವರು ವಸ್ತುಸಂಗ್ರಹಾಲಯಗಳಿಗೆ ಭೇಟಿ ನೀಡಲು ಮತ್ತು ಸಂಗೀತ ಕಚೇರಿಗಳಿಗೆ ಹಾಜರಾಗಲು ಎದುರು ನೋಡುತ್ತಿದ್ದೇನೆ ಎಂದು ಹೇಳಿದರು. “ಈ ಸುಂದರ ಜನರೊಂದಿಗೆ ಸಂಪರ್ಕ ಹೊಂದಲು ಇದು ಸಂತೋಷವಾಗಿದೆ” ಎಂದು ಅವರು ಹೇಳಿದರು.
