ಫ್ಲೈಓವರ್‌ನಲ್ಲಿ ಡ್ಯಾನ್ಸ್ ಮಾಡಿ ಫಜೀತಿಗೆ ಸಿಕ್ಕಿಕೊಂಡ ಹಾಸ್ಯ ನಟ..!

ಇನ್​ಸ್ಟ್ರಾಮ್​ನಲ್ಲಿ ಫಾಲೋವರ್​ಗಳನ್ನು ಮೆಚ್ಚಿಸಲು 2 ಲಕ್ಷಕ್ಕೂ ಅಧಿಕ ಫಾಲೋವರ್ಸ್​ ಹೊಂದಿರುವ ಶ್ರೇಯಾ ಕಲ್ರಾ ಇಂದೋರ್​ನ ಪ್ರಮುಖ ರಸ್ತೆ ರಸೋಮ ಚೌಕ್​ನ ಟ್ರಾಫಿಕ್ ಸಿಗ್ನಲ್ ಬಿದ್ದಾಗ ಭರ್ಜರಿ ಡ್ಯಾನ್ಸ್ ಮಾಡಿ ಫಜೀತಿಗೆ ಸಿಲುಕಿರುವುದು ಇನ್ನೂ ಮಾಸಿಲ್ಲ. ಅದಾಗಲೇ ಇಂಥದ್ದೇ ಮತ್ತೊಂದು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡಲಾಗಿದೆ.

ಹೌದು.. ಪಶ್ಚಿಮ ಬಂಗಾಳದ ಕೋಲ್ಕತ್ತಾದ ಸಾಮಾಜಿಕ ಮಾಧ್ಯಮ ಪ್ರಭಾವಿ ಸ್ಯಾಂಡಿ ಸಾಹಾ ಅವರು ಫ್ಲೈಓವರ್‌ನಲ್ಲಿ ನೃತ್ಯ ಮಾಡುತ್ತಿರುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟು ತೊಂದರೆಗೆ ಸಿಲುಕಿದ್ದಾರೆ.

ನಗರದ ಮಾ ಫ್ಲೈಓವರ್ ಮೇಲೆ ಕಾರು ನಿಲ್ಲಿಸಿ ಹೊರಬಂದ ಸಹಾ ರಸ್ತೆಯ ವಿಭಜಕದವರೆಗೆ ನಡೆದು ನೃತ್ಯ ಮಾಡುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ. ಇಂಡಿಯಾ ಟುಡೇ ಪ್ರಕಾರ, ಕೋಲ್ಕತಾ ಪೊಲೀಸರು ಮಂಗಳವಾರ ಕಾರಿನ ಮಾಲೀಕರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಲಾಲ್‌ಬಜಾರ್‌ನಲ್ಲಿನ ಟ್ರಾಫಿಕ್ ಕಂಟ್ರೋಲ್ ರೂಂ ವಾಹನದ ಮಾಲೀಕರನ್ನು ಸಿಸಿಟಿವಿ ದೃಶ್ಯಗಳಿಂದ ಮತ್ತು ಶ್ರೀ ಸಾಹಾ ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡ ವಿಡಿಯೋ ಮೂಲಕ ಗುರುತಿಸಲಾಗಿದೆ.

3 ನಿಮಿಷ ಮತ್ತು 38 ಸೆಕೆಂಡುಗಳ ಕ್ಲಿಪ್‌ನಲ್ಲಿ, ಸಾಹಾ ಅವರು ‘ಮೇನ್ ಆಯೂ ಹೂನ್ ಯುಪಿ ಬಿಹಾರ್ ಲೂಟ್ನೆ’ ಹಾಡಿಗೆ ನೃತ್ಯ ಮಾಡುವುದನ್ನು ಕಾಣಬಹುದು. ಹಾಡಿನ ಆಯ್ಕೆಯು ಆಕಸ್ಮಿಕವಾಗಿ ಕಾಣುತ್ತಿಲ್ಲ. ಅನೇಕ ಸಾಮಾಜಿಕ ಮಾಧ್ಯಮ ಬಳಕೆದಾರರು ಫ್ಲೈಓವರ್ ಅನ್ನು ಮಮತಾ ಬ್ಯಾನರ್ಜಿ ಸರ್ಕಾರವು ನಿರ್ಮಿಸಿದ ಮಧ್ಯ ಕೋಲ್ಕತ್ತಾದ ‘ಮಾ ಫ್ಲೈಓವರ್’ ಎಂದು ಗುರುತಿಸಿದ್ದಾರೆ.

ಕಳೆದ ಸೋಮವಾರ ಈ ಕ್ಲಿಪ್‌ ಪೋಸ್ಟ್ ಮಾಡಿದಾಗಿನಿಂದ ಫೇಸ್‌ಬುಕ್‌ನಲ್ಲಿ 4.2 ಮಿಲಿಯನ್ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಕಾಮೆಂಟ್ ವಿಭಾಗದಲ್ಲಿ, ಅನೇಕರು ಕೋಲ್ಕತಾ ಪೊಲೀಸರನ್ನು ಟ್ಯಾಗ್ ಮಾಡಿದ್ದಾರೆ, ಟ್ರಾಫಿಕ್ ನಿಯಮಗಳನ್ನು ಉಲ್ಲಂಘಿಸಿದವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದ್ದಾರೆ.

ಕೋಲ್ಕತಾ ಪೋಲಿಸ್ ಟ್ರಾಫಿಕ್ ನಿಯಮ ಉಲ್ಲಂಘಿಸಿದ ಆಧಾರದ ಮೇಲೆ ಸ್ವತ: ಅವರ ಮೇಲೆ ಕೇಸ್ ದಾಖಲಿಸಿ, ಸಹಾ ಮತ್ತು ಚಿತ್ರೀಕರಣದ ಸಮಯದಲ್ಲಿ ಆತನೊಂದಿಗೆ ಇದ್ದ ಜನರಿಗೆ ನೋಟಿಸ್ ಕಳುಹಿಸಿದೆ.

ಫಸ್ಟ್‌ಪೋಸ್ಟ್ ಪ್ರಕಾರ, 1.5 ಮಿಲಿಯನ್‌ಗಿಂತಲೂ ಹೆಚ್ಚು ಫೇಸ್‌ಬುಕ್‌ ಅನುಯಾಯಿಗಳನ್ನು ಹೊಂದಿರುವ ಸ್ಯಾಂಡಿ ಸಾಹಾ ಯಾವುದೇ ತಪ್ಪು ಮಾಡಿಲ್ಲ. ಫ್ಲೈಓವರ್ ಮೇಲೆ ಕಾರುಗಳನ್ನು ನಿಲ್ಲಿಸುವುದನ್ನು ನಿಷೇಧಿಸಲಾಗಿದೆ ಎಂದು ತನಗೆ ತಿಳಿದಿಲ್ಲ ಎಂದು ಸಾಹಾ ನಂತರ ಒಪ್ಪಿಕೊಂಡಿದ್ದಾನೆ.

ಒಟ್ಟಿನಲ್ಲಿ ವೈರಲ್ ಆಗ್ಬೇಕು ಎನ್ನುವ ಆಸೆಗೆ ನಾನಾ ಸರ್ಕಸ್ಸುಗಳನ್ನು ರಸ್ತೆಗಳ ಮೇಲೆ ಮಾಡಿ ಸಾಹಾ ಫಜೀತಿಗೆ ಸಿಕ್ಕಿಕೊಂಡಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಎಲ್ಲಂದ್ರಲ್ಲಿ ಚಿತ್ರ-ವಿಚಿತ್ರ ಕುಣಿದು ಕುಪ್ಪಳಿಸಿ ಪ್ರಚಾರಗಿಟ್ಟಿಸಿಕೊಂಡು ಟ್ರೆಂಡ್​ ಶುರು ಮಾಡುವವರಿಗೆ ಇದು ಅರ್ಥವಾಗಬೇಕಿದೆ.

 

 

 

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights