Fact Check: ಭಾರತೀಯ ನೌಕಾಪಡೆ ದಿನದ ಶುಭಾಶಯಕ್ಕಾಗಿ US ನೌಕಾಪಡೆಯ ಹಡಗಿನ ಫೋಟೋವನ್ನು ಹಂಚಿಕೊಳ್ಳಲಾಗಿದೆ!
ನೌಕಾಪಡೆ ದಿನಾಚರಣೆಗೆ ಶುಭಾಶಯ ಕೋರುವ ಸಲುವಾಗಿ ಭಾರತೀಯ ನೌಕಾಪಡೆಗೆ ಸೇರಿದ ಹಡಗು ಎಂದು ಹೇಳಿಕೊಂಡು ಒಂದು ಹಡಗಿನ ಚಿತ್ರವೊಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಈ ಲೇಖನದ ಮೂಲಕ ಆ ಫೋಟೋದ ಸತ್ಯವನ್ನು ಅರಿಯೋಣ.

ಈ ಪೋಸ್ಟ್ನ ಆರ್ಕೈವ್ ಮಾಡಿದ ಆವೃತ್ತಿಯನ್ನು ಇಲ್ಲಿ ಕಾಣಬಹುದು.
ಪ್ರತಿಪಾದನೆ: ಭಾರತೀಯ ನೌಕಾಪಡೆಯ ಹಡಗಿನ ಫೋಟೋ.
ಸತ್ಯ: ಈ ಫೋಟೋ US ನೇವಿಯ ಲಿಟರಲ್ ಕಾಂಬ್ಯಾಟ್ ಶಿಪ್, ಫ್ರೀಡಮ್ (LCS 1)ನ ಚಿತ್ರವಾಗಿದೆ. ಈ ಫೋಟೋವನ್ನು 2008 ರಲ್ಲಿ ಹಡಗಿನ ಪ್ರಾಯೋಗಿಕ ಪ್ರಯೋಗಗಳ ಸಮಯದಲ್ಲಿ ತೆಗೆದುಕೊಳ್ಳಲಾಗಿದೆ. ಲಾಕ್ಹೀಡ್ ಮಾರ್ಟಿನ್ ಸಂಸ್ಥೆ ಈ ಫೋಟೋವನ್ನು ಫ್ಲಿಕರ್ನಲ್ಲಿ ಹಂಚಿಕೊಂಡಿದ್ದಾರೆ. ಕಳೆದ ಕೆಲವು ವರ್ಷಗಳಿಂದ, ವಿವಿಧ ರಾಜಕೀಯ ಪಕ್ಷಗಳ ಮುಖಂಡರು ಮತ್ತು ವಿವಿಧ ಸುದ್ದಿ ಸಂಸ್ಥೆಗಳು ಭಾರತೀಯ ನೌಕಾಪಡೆಗೆ ಸಂಬಂಧಿಸಿದ ಸುದ್ದಿಗಳನ್ನು ಪ್ರಕಟ ಮಾಡುವಾಗ ಈ ಫೋಟೋವನ್ನು ಹಂಚಿಕೊಳ್ಳುತ್ತಿದ್ದಾರೆ. ಹಾಗಾಗಿ ಪೋಸ್ಟ್ನಲ್ಲಿ ಹೇಳಲಾದ ಹಡಗು ಭಾರತೀಯ ನೌಕಾದಳದ್ದು ಎಂಬುದು ತಪ್ಪಾಗಿದೆ.
ಭಾರತೀಯ ನೌಕಾಪಡೆಯ ಸಾಧನೆಗಳು ಮತ್ತು ರಾಷ್ಟ್ರೀಯ ರಕ್ಷಣೆಯಲ್ಲಿ ಅವರ ಪಾತ್ರವನ್ನು ಸ್ಮರಿಸಲು ಪ್ರತಿ ವರ್ಷ ಡಿಸೆಂಬರ್ 4 ರಂದು ಭಾರತೀಯ ನೌಕಾಪಡೆಯ ದಿನವನ್ನು ಆಚರಿಸಲಾಗುತ್ತದೆ. ಈ ಸಂರ್ಭದಲ್ಲಿ, ವಿವಿಧ ರಾಜಕೀಯ ಪಕ್ಷಗಳ ನಾಯಕರು (ಇಲ್ಲಿ ಮತ್ತು ಇಲ್ಲಿ) ಮತ್ತು ಪಕ್ಷದ ಸಾಮಾಜಿಕ ಮಾಧ್ಯಮ ಪುಟಗಳಲ್ಲಿ (ಇಲ್ಲಿ ಮತ್ತು ಇಲ್ಲಿ) ಇದೇ ರೀತಿಯ ಫೋಟೋವನ್ನು ಹಂಚಿಕೊಂಡು ಭಾರತೀಯ ನೌಕಾಪಡೆಯನ್ನು ಅಭಿನಂದಿಸಿದ್ದಾರೆ.
Greetings on Indian Navy Day. Let’s wear Armed Forces flag with honour and pride. Contribute generously to the ‘#ArmedForcesFlagDay Fund’ to assure our soldiers that the entire nation cares for them & their families. https://t.co/sFwfNCgrcA pic.twitter.com/PHtqYm9QZU
— BJP (@BJP4India) December 4, 2017
ಹಾಗಾಗಿ ಅದೇ ಫೋಟೋವನ್ನು ಕಳೆದ ಕೆಲವು ವರ್ಷಗಳಿಂದ ಭಾರತೀಯ ನೌಕಾಪಡೆಯ ದಿನದ ಮುನ್ನಾದಿನದಂದು ಅನೇಕ ನಾಯಕರು (ಇಲ್ಲಿ, ಇಲ್ಲಿ, ಇಲ್ಲಿ ಮತ್ತು ಇಲ್ಲಿ) ಹಂಚಿಕೊಂಡಿದ್ದಾರೆ.
ಹಲವಾರು ಸುದ್ದಿ ಸಂಸ್ಥೆಗಳು ಭಾರತೀಯ ನೌಕಾಪಡೆಗೆ ಸಂಬಂಧಿತ (ಇಲ್ಲಿ ಮತ್ತು ಇಲ್ಲಿ) ಲೇಖನಗಳಲ್ಲಿ ಇದೇ ರೀತಿಯ ಫೋಟೋಗಳನ್ನು ಪ್ರಕಟಿಸಿವೆ. ಸರ್ಕಾರಿ ಮಾಧ್ಯಮ ಸಂಸ್ಥೆ ಡಿಡಿ ನ್ಯೂಸ್ ಕೂಡ 2019 ನೇವಿ ದಿನದ ಸಂದರ್ಭದಲ್ಲಿ ಇದೇ ರೀತಿಯ ಫೋಟೋವನ್ನು ಹಂಚಿಕೊಂಡಿದೆ.
December 4 is celebrated as Navy Day to commemorate Operation Trident. Here are some interesting facts about the day. #IndianNavy #NavyDay #NavyDay2019 @indiannavy @DefenceMinIndia pic.twitter.com/AtVYNlTWaj
— DD News (@DDNewslive) December 4, 2019
ಈ ಫೋಟೋ ಎಲ್ಲಿದೆ?
ಆದರೆ, ಈ ಫೋಟೋಗೂ ಭಾರತೀಯ ನೌಕಾಪಡೆಗೂ ಯಾವುದೇ ಸಂಬಂಧವಿಲ್ಲ. ಪೋಸ್ಟ್ನಲ್ಲಿನ ವೈರಲ್ ಫೋಟೋವನ್ನು ರಿವರ್ಸ್ ಇಮೇಜ್ ಮೂಲಕ ಹುಡುಕಿದಾಗ, ಅದೇ ಫೋಟೋ ಫ್ಲಿಕರ್ನಲ್ಲಿ ಕಾಣಿಸಿಕೊಂಡಿದೆ. ಸ್ಟಾಕ್ ಫೋಟೋಗಳ ವೆಬ್ಸೈಟ್ನಲ್ಲಿ ‘ಲಾಕ್ಹೀಡ್ ಮಾರ್ಟಿನ್’ ಪ್ರೊಫೈಲ್ನಲ್ಲಿ ಈ ಫೊಟೋವನ್ನು ಹಾಕಲಾಗಿದೆ. ಫೋಟೋ ಬಗೆಗೆ ವೆಬ್ಸೈಟ್ನ ವಿವರಣೆಯ ಪ್ರಕಾರ, ಫೋಟೋವನ್ನು 2008 ರಲ್ಲಿ ಹಡಗಿನ ವೇಗ ಪರೀಕ್ಷೆ (ಬಿಲ್ಡರ್ಸ್ ಟ್ರಯಲ್) ನಡೆಸುತ್ತಿದ್ದ ಸಮಯದಲ್ಲಿ ತೆಗೆದುಕೊಳ್ಳಲಾಗಿದೆ.

ಮೇಲಿನ ವಿವರಣೆಯನ್ನು ಆಧರಿಸಿ ಲಾಕ್ಹೀಡ್ ಮಾರ್ಟಿನ್ಗಾಗಿ ಗೂಗಲ್ನಲ್ಲಿ ಹುಡುಕಿದಾಗ, ಜಾಗತಿಕ ಭದ್ರತೆ, ಸುಧಾರಿತ ತಂತ್ರಜ್ಞಾನ ವ್ಯವಸ್ಥೆಗಳು, ಏರೋಸ್ಪೇಸ್ ಕ್ಷೇತ್ರದಲ್ಲಿ ಉತ್ಪನ್ನಗಳು ಮತ್ತು ಸೇವೆಗಳನ್ನು ಒದಗಿಸುತ್ತಿರುವ ಸಂಸ್ಥೆ ಎಂದು ತಿಳಿದು ಬಂದಿದೆ. ಈ ಕಂಪನಿಯು ಮುಖ್ಯವಾಗಿ USನದ್ದಾಗಿದೆ. ಇದು ಯುಎಸ್ ರಕ್ಷಣಾ ಇಲಾಖೆ, ಯುಎಸ್ ಫೆಡರಲ್ ಸರ್ಕಾರಿ ಏಜೆನ್ಸಿಗಳೊಂದಿಗೆ ವ್ಯವಹಾರವನ್ನು ನಡೆಸುತ್ತದೆ. ಲಿಟರಲ್ ಕಾಂಬ್ಯಾಟ್ ಶಿಪ್ ಬಗ್ಗೆ ಮಾಹಿತಿಯನ್ನು ಈ ಕಂಪನಿಯ ವೆಬ್ಸೈಟ್ನಲ್ಲಿ ಕಾಣಬಹುದು. 2008 ರಲ್ಲಿ US ನೌಕಾಪಡೆಗಾಗಿ ವಿನ್ಯಾಸಗೊಳಿಸಲಾದ ಹಡಗಿನ ಪ್ರಯೋಗಗಳು ಯಶಸ್ವಿಯಾಗಿದ್ದವು ಎಂದು ವರದಿ ಹೇಳುತ್ತದೆ.

2009ರಲ್ಲಿ ಪ್ರಕಟವಾದ ಸುದ್ದಿ ಲೇಖನದಲ್ಲಿ ಇದೇ ಫೋಟೋ ಪ್ರಕಟವಾಗಿತ್ತು. ಈ ಫೋಟೋ ವರದಿಯ ವಿವರಣೆಯ ಪ್ರಕಾರ, ಫೋಟೋದಲ್ಲಿರುವುದು ಅಕ್ಷರಶಃ ಯುದ್ಧ ಹಡಗು. U.S. ನೌಕಾಪಡೆಯು ತಮ್ಮ ಕರಾವಳಿಯಲ್ಲಿ ನಿಯೋಜಿಸಲು ಈ ಹಡಗುಗನ್ನು ಖರೀದಿಸಿದ ಸುದ್ದಿಗೆ ಸಂಬಂಧಿಸಿದಂತೆ ಈ ಫೋಟೋವನ್ನು ಹಂಚಿಕೊಂಡಿದೆ. ಈ ಸಾಕ್ಷ್ಯವನ್ನು ಆಧರಿಸಿ, ಈ ಫೋಟೋ ಯುಎಸ್ ನೌಕಾಪಡೆಗೆ ಸೇರಿದ್ದು ಎಂಬುದು ಸ್ಪಷ್ಟವಾಗಿದೆ.

ಅಂತಿಮವಾಗಿ, ಭಾರತೀಯ ನೌಕಾಪಡೆಯ ದಿನದ ಶುಭಾಶಯ ಕೋರುವ ಸಲುವಾಗಿ ಯುಎಸ್ ನೌಕಾಪಡೆಗೆ ಸೇರಿದ ಹಡಗಿನ ಫೋಟೋವನ್ನು ಹಂಚಿಕೊಳ್ಳಲಾಗುತ್ತಿದೆ.
Also: Read: Fact Check: ವಿಡಿಯೋ ವೈರಲ್ – ಪೊಲೀಸರಿಗೆ ಎಸ್ಪಿ ಶಾಸಕ ಥಳಿಸಿದ್ದಾರೆ ಎಂಬುದು ಸುಳ್ಳು!

