ಫ್ಯಾಕ್ಟ್ಚೆಕ್: ವೃದ್ದ ಮುಸ್ಲಿಂ ವ್ಯಕ್ತಿಗೆ ಪೊಲೀಸರಿಂದ ಥಳಿತ ಎಂದು ಕೋವಿಡ್ ಸಂದರ್ಭದ ಪೋಟೊ ಹಂಚಿಕೆ
ನೂಪುರ್ ಶರ್ಮಾ ಪ್ರವಾದಿ ಮೊಹಮ್ಮದ್ ನಿಂದಿಸಿದ ನಂತರ ಉತ್ತರ ಪ್ರದೇಶದಲ್ಲಿ ಪ್ರತಿಭಟಿಸಿದ ವೃದ್ಧ ಮುಸ್ಲಿಂ ವ್ಯಕ್ತಿಯನ್ನು ಪೊಲೀಸರು ಥಳಿಸುತ್ತಿದ್ದಾರೆ ಎಂದು ಪ್ರತಿಪಾದಿಸಿಲಾಗುತ್ತಿದೆ. ಪತ್ರಕರ್ತರಾದ ಸಿಜೆ ವೆರ್ಲೆಮನ್ “ಹಿಂದುತ್ವದ ಅಮಲಿನ ಪೊಲೀಸರು ವಯಸ್ಸಾದ ಮುಸ್ಲಿಂ ವ್ಯಕ್ತಿಯ ಮೇಲೆ ಕ್ರೂರವಾಗಿ ಹಲ್ಲೆ ಮಾಡುವುದನ್ನು ವೀಕ್ಷಿಸಿ” ಎಂಬ ಶೀರ್ಷಿಕೆಯೊಂದಿಗೆ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋದ ಸತ್ಯಾಸತ್ಯತೆಗಳನ್ನು ಪರಿಶೀಲಿಸೋಣ.
Watch Hindutva radicalized cops brutally assault an elderly Muslim man. pic.twitter.com/r02VLWHOfQ
— CJ Werleman (@cjwerleman) June 14, 2022
ಸುದ್ದಿವಾಹಿನಿ ಮಿಲ್ಲಿ ಗೆಜೆಟ್ ಕೂಡ ಈ ವೀಡಿಯೊವನ್ನು ಹಂಚಿಕೊಂಡಿದ್ದು “ಪೊಲೀಸ್ ಧಿರಿಸಿನಲ್ಲಿರುವವನೊಬ್ಬ ಮುಸ್ಲಿಂ ವ್ಯಕ್ತಿಗೆ ಥಳಿಸಿ ಪ್ರತೀಕಾರ ತೀರಿಸಿಕೊಳ್ಳುತ್ತಿರುವುದು” ಎಂದು ಬರೆದಿದ್ದಾರೆ.
Looks like men in uniform have some personal score to settle https://t.co/P7j069p1A5
— Milli Gazette (@milligazette) June 15, 2022
ಫ್ಯಾಕ್ಟ್ಚೆಕ್:
ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾಗಿರುವ ವಿಡಿಯೊದ ಕುರಿತು ಸರ್ಚ್ ಮಾಡಿದಾಗ ಸಿಜೆ ವರ್ಲೆಮನ್ಸ್ ಅವರು ತಮ್ಮ ಟ್ವೀಟ್ನಲ್ಲಿನ ಹಂಚಿಕೊಂಡಿರುವುದು ಹಳೆಯ ವಿಡಿಯೋ ಎಂದು ತಿಳಿದುಬಂದಿದೆ. 2020ರ ಕೋವಿಡ್ ಲಾಕ್ಡೌನ್ ಸಮಯದಲ್ಲಿ ವೈರಲ್ ಆಗಿರುವ ವೀಡಿಯೊ ಇದು ಎಂದು ಉಲ್ಲೇಖಿಸಿ ಬರೇಲಿ ಪೊಲೀಸರು ರೀ ಟ್ವೀಟ್ ಮಾಡಿರುವುದು ಕಂಡುಬಂದಿದೆ. ಟ್ವೀಟ್ನ ಶೀರ್ಷಿಕೆಯು, ” 2020 ರಲ್ಲಿ ಕೋವಿಡ್ ಕಾರಣಕ್ಕೆ ಜಾರಿ ಮಾಡಿದ ಸಂಪೂರ್ಣ ಲಾಕ್ಡೌನ್ ಸಂದರ್ಭದಲ್ಲಿ ಸೆರೆಹಿಡಿಯಲಾದ ವಿಡಿಯೊ ಎಂದು ತಿಳಿದುಬಂದಿದೆ. ಲಾಕ್ಡೌನ್ ನಿಯಮಾವಳಿಗಳನ್ನು ಉಲ್ಲಂಘಿಸಿ ಪೊಲೀಸರೊಂದಿಗೆ ಅನುಚಿತವಾಗಿ ವರ್ತಿಸಲು ಪ್ರಯತ್ನಿಸಿದವರನ್ನು, ಕೋವಿಡ್ ಸೋಂಕು ಹರಡದಂತೆ ಎಚ್ಚರ ವಹಿಸಲು ಪೊಲೀಸರು ಗುಂಪನ್ನು ಚದುರಿಸಲು ಮುಂದಾದಾಗ ಸೆರೆ ಹಿಡಿಯಲಾಗಿರುವ ದೃಶ್ಯವೆಂದು ತಿಳಿದುಬಂದಿದೆ” .
Concerned vedio is from 2020 when complete lockdown was implemented.unlawful gathering tried to misbehave with police and police used mild force to disperse the crowd so that COVID infection would not spread.
— Bareilly Police (@bareillypolice) June 15, 2022
ಮತ್ತಷ್ಟು ಪರಿಶೀಲನೆಗಾಗಿ ಸರ್ಚ್ ಮಾಡಿದಾಗ 07 ಏಪ್ರಿಲ್ 2020 ರ ನ್ಯೂಸ್ ನೇಷನ್ ವರದಿಯಲ್ಲಿ ಇದೇ ರೀತಿಯ ತುಣುಕು ಲಭ್ಯವಾಗಿದೆ. “ಉತ್ತರ ಪ್ರದೇಶ ಬರೇಲಿಯಲ್ಲಿ ಪೊಲೀಸರ ಮೇಲೆ ಗುಂಪು ದಾಳಿ, ಹಲವರು ಗಾಯಗೊಂಡಿದ್ದಾರೆ” ಎಂಬ ವರದಿಯ ಪ್ರಕಾರ, ಯುಪಿಯ ಬರೇಲಿ ಜಿಲ್ಲೆಯ ಕರಂಪುರ್ ಚೌಧರಿ ಗ್ರಾಮದಲ್ಲಿ ಪೊಲೀಸರು ಲಾಕ್ಡೌನ್ ಜಾರಿಗೊಳಿಸಲು ಪ್ರಯತ್ನಿಸಿದಾಗ ಹಲವಾರು ಜನರು ಪೊಲೀಸ್ ತಂಡದ ಮೇಲೆ ದಾಳಿ ಮಾಡಿದ್ದಾರೆ. ಈ ದಾಳಿಯಲ್ಲಿ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಅಭಿಷೇಕ್ ವರ್ಮಾ ಗಾಯಗೊಂಡಿದ್ದಾರೆ. ನಂತರ, ಪೊಲೀಸರು ಕಾನೂನು ಉಲ್ಲಂಘಿಸಿದವರನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ, ಇಬ್ಬರು ಪೊಲೀಸರ ಮೇಲೆ ಹಲ್ಲೆ ನಡೆಸಿದ ಆರೋಪದಲ್ಲಿ ಸಿಆರ್ಪಿಸಿಯ ಸೆಕ್ಷನ್ 144 ರ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದರು ಎಂದು ವರದಿಯಾಗಿದೆ.
TV9, ರಿಪಬ್ಲಿಕ್, ದಿ ಇಂಡಿಯನ್ ಎಕ್ಸ್ಪ್ರೆಸ್ ಮತ್ತು ANI ವಾಹಿನಿಗಳು ನಂತಹ ಇತರ ಹಲವು ಮಾಧ್ಯಮಗಳು ಸಹ ಇದೇ ವರದಿಯನ್ನು ವರದಿ ಮಾಡಿವೆ.
ಹಾಗಾಗಿ ವೃದ್ಧ ಮುಸ್ಲಿಂ ವ್ಯಕ್ತಿಯನ್ನು ಪೊಲೀಸರು ಥಳಿಸುವ ವೈರಲ್ ವಿಡಿಯೋ ಇತ್ತೀಚಿನ ಕೋಮು ಹಿಂಸಾಚಾರಕ್ಕೆ ಸಂಬಂಧಿಸಿದ್ದಲ್ಲ ಎಂಬುದು ಸ್ಪಷ್ಟವಾಗಿದೆ. ಕೋವಿಡ್ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಮತ್ತು ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದಕ್ಕಾಗಿ ಪೊಲೀಸರು ಜನರನ್ನು ಥಳಿಸಿದ 2020 ರ ವೈರಲ್ ವೀಡಿಯೊವನ್ನು ಇತ್ತೀಚಿನದ್ದು ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ. ಹಾಗಾಗಿ ಪೋಸ್ಟ್ನಲ್ಲಿ ಮಾಡಲಾದ ಪ್ರತಿಪಾದನೆಯು ತಪ್ಪಾಗಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ: ಫ್ಯಾಕ್ಟ್ಚೆಕ್: ಸೌದಿ ದೊರೆ ಸಲ್ಮಾನ್ ಕಾಲಿಗೆ ಪ್ರಧಾನಿ ಮೋದಿ ನಮಸ್ಕರಿಸಿದ್ದು ನಿಜವಲ್ಲ
