ಫ್ಯಾಕ್ಟ್‌ಚೆಕ್: ಹಿಂದೂ ಮಹಿಳೆ ಮತ್ತು ಮುಸ್ಲಿಂ ಪುರುಷನ ನಡುವಿನ ವಿವಾಹ ಅಸಿಂಧು ಎಂದು ಸುಪ್ರೀಂ ಕೋರ್ಟ್ ಘೋಷಿಸಿದೆಯೇ?

ಹಿಂದೂ ಮಹಿಳೆಯರು ಮತ್ತು ಮುಸ್ಲಿಂ ಪುರುಷರ ನಡುವಿನ ಎಲ್ಲಾ ವಿವಾಹಗಳು ಅಸಿಂಧು ಎಂದು ಸುಪ್ರೀಂ ಕೋರ್ಟ್ ಘೋಷಿಸಿದೆ ಎಂಬ ಪೋಸ್ಟ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಪ್ರಸಾರವಾಗುತ್ತಿದೆ.

“ಸುಪ್ರೀಂ ಕೋರ್ಟ್ ನಿಂದ ಹೊರಡಿಸಿದ ಈ ಮಹತ್ವದ ಆದೇಶ ಕ್ಕೆ ಪ್ರತಿ ಹಿಂದುಗಳಿಂದ ಧನ್ಯವಾದಗಳು. ಈ ಮಹತ್ತರ ಸಾಧನೆಗೆ ಕಾರಣರಾದವರು ಭಜರಂಗ ದಳ,, RSS ಕಾರ್ಯಕರ್ತರು ಹಿಂದೂ ಹೋರಾಟಗಾರರು ಇವರೆಲ್ಲರಿಗೂ ಧನ್ಯವಾದಗಳು” ಎಂಬ ಹೇಳಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ. ಹಾಗಿದ್ದರೆ ಈ ವೈರಲ್ ಪೋಸ್ಟ್ ನಲ್ಲಿ ಮಾಡಲಾದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸೋಣ.

ಫ್ಯಾಕ್ಟ್‌ಚೆಕ್ :

ವೈರಲ್ ಸುದ್ದಿಗೆ ಸಂಬಂಧಿಸಿದಂತೆ ವಾಸ್ತವ ಏನೆಂದು ಪರಿಶೀಲಿಸಲು ಗೂಗಲ್ ಸರ್ಚ್ ಮಾಡಿದಾಗ, ಅದೇ ಸುದ್ದಿಯನ್ನು 2019 ರಲ್ಲಿ ಹಲವು ಸುದ್ದಿ ಸಂಸ್ಥೆಗಳು ಪ್ರಕಟಿಸಿರುವುದು ಕಂಡುಬಂದಿದೆ. 2019 ರಲ್ಲಿ ‘ದಿ ಟೈಮ್ಸ್ ಆಫ್ ಇಂಡಿಯಾ’ ಪ್ರಕಟಿಸಿದ ಲೇಖನದಲ್ಲಿ “ಹಿಂದೂ ಮಹಿಳೆ ಮತ್ತು ಮುಸ್ಲಿಂ ಪುರುಷನ ವಿವಾಹ ಅನಿಯಮಿತ; ಜನಿಸಿದ ಮಗು ಕಾನೂನುಬದ್ಧವಾಗಿದೆ” ಎಂಬ ಶೀರ್ಷಿಕೆಯೊಂದಿಗೆ ಪ್ರಕಟಿಸಿದೆ. ಅದನ್ನು ಇಲ್ಲಿ ಓದಬಹುದು. ಮುಸ್ಲಿಂ ಕಾನೂನಿನಡಿಯಲ್ಲಿ 1940 ರ ದಶಕದಲ್ಲಿ ದಂಪತಿಗಳು ವಿವಾಹವಾದ ಪ್ರಕರಣದಲ್ಲಿ ತೀರ್ಪು ನೀಡುವಾಗ, ನ್ಯಾಯಾಲಯವು ಹೀಗೆ ಹೇಳಿದೆ – “ವಿಗ್ರಹಾರಾಧಕ ಅಥವಾ ಅಗ್ನಿ ಆರಾಧಕ ಹಿಂದೂ ಮಹಿಳೆಯೊಂದಿಗಿನ ಮುಸ್ಲಿಂ ಪುರುಷನ ವಿವಾಹವು ಮಾನ್ಯ (ಸಾಹಿಹ್) ಅಥವಾ ಊರ್ಜಿತ (ಬಾಟಿಲ್) ವಿವಾಹವಲ್ಲ. ಆದರೆ ಇದು ಕೇವಲ ಅನಿಯಮಿತ (ಫಸಿದ್) ವಿವಾಹವಾಗಿದೆ. ಅಂತಹ ವಿವಾಹದಿಂದ (ಫಸಿದ್ ಮದುವೆ) ಜನಿಸಿದ ಯಾವುದೇ ಮಗು ತನ್ನ ತಂದೆಯ ಆಸ್ತಿಯಲ್ಲಿ ಪಾಲು ಪಡೆಯಲು ಅರ್ಹತೆ ಹೊಂದಿರುತ್ತದೆ.

“A.A.A.Fyzee, ಅವರ ಪುಸ್ತಕದ ಔಟ್‌ಲೈನ್ಸ್ ಆಫ್ ಮುಹಮ್ಮದನ್ ಲಾ (5 ನೇ ಆವೃತ್ತಿ) ಪುಟ 76 ರಲ್ಲಿ ಮುಲ್ಲಾ ಅವರನ್ನು ಉಲ್ಲೇಖಿಸುವ ಮೂಲಕ ವಿಗ್ರಹಾರಾಧಕ ಅಥವಾ ಅಗ್ನಿಆರಾಧಕಳೊಂದಿಗೆ ಮುಸ್ಲಿಂ ವ್ಯಕ್ತಿಯ ನಿಕಾಹ್ ಮಾತ್ರ ಅನಿಯಮಿತವಾಗಿದೆ ಮತ್ತು ಅನೂರ್ಜಿತವಲ್ಲ ಎಂದು ಪುನರುಚ್ಚರಿಸುತ್ತದೆ. ಅಂತಹ ವಿವಾಹವು ಸಂತಾನದ ನ್ಯಾಯಸಮ್ಮತತೆಯ ಮೇಲೆ ಪರಿಣಾಮ ಬೀರುವುದಿಲ್ಲ ಎಂಬ ಅಮೀರ್ ಅಲಿ ಅವರ ಪ್ರತಿಪಾದನೆಯನ್ನು ಅವರು ಉಲ್ಲೇಖಿಸುತ್ತಾರೆ, ಏಕೆಂದರೆ ಬಹುದೇವತಾವಾದಿ ಮಹಿಳೆ ಯಾವುದೇ ಸಮಯದಲ್ಲಿ ಇಸ್ಲಾಂ ಧರ್ಮವನ್ನು ಅಳವಡಿಸಿಕೊಳ್ಳಬಹುದು, ಅದು ತಕ್ಷಣವೇ ಷರತ್ತನ್ನು ತೆಗೆದುಹಾಕುತ್ತದೆ ಮತ್ತು ಮದುವೆಯನ್ನು ದೃಢೀಕರಿಸುತ್ತದೆ. ತೀರ್ಪಿನ ಪ್ರತಿಯನ್ನು ಇಲ್ಲಿ ನೋಡಬಹುದು.

ಹಿಂದೂ ಮಹಿಳೆಯರು ಮತ್ತು ಮುಸ್ಲಿಂ ಪುರುಷರ ನಡುವಿನ ಎಲ್ಲಾ ವಿವಾಹಗಳು ಅಸಿಂಧು ಎಂದು ನ್ಯಾಯಾಲಯ ಎಲ್ಲಿಯೂ ಘೋಷಿಸಿಲ್ಲ. ವಿಶೇಷ ವಿವಾಹ ಕಾಯಿದೆ, 1954 ರ ಅಡಿಯಲ್ಲಿ, ಹಿಂದೂ ಮಹಿಳೆ ಮುಸ್ಲಿಂ ಪುರುಷನನ್ನು ಮದುವೆಯಾಗಬಹುದು ಮತ್ತು ಅವರ ವಿವಾಹವು ಮಾನ್ಯವಾಗಿರುತ್ತದೆ (ಅವರು ಕಾಯಿದೆಯಡಿ ಷರತ್ತುಗಳನ್ನು ಪೂರೈಸಿದರೆ). ವಿಶೇಷ ವಿವಾಹ ಕಾಯಿದೆ 1954 ರ ಅಡಿಯಲ್ಲಿ ಮದುವೆ ಮಾನ್ಯವಾಗಲು ಹಿಂದೂ ಮಹಿಳೆ ಇಸ್ಲಾಂಗೆ ಮತಾಂತರಗೊಳ್ಳಬೇಕಾಗಿಲ್ಲ.

ಒಟ್ಟಾರೆಯಾಗಿ ಹೇಳುವುದಾದರೆ, ಸುಪ್ರೀಂ ಕೋರ್ಟ್ ಹಿಂದೂ ಮಹಿಳೆಯರು ಮತ್ತು ಮುಸ್ಲಿಂ ಪುರುಷರ ನಡುವಿನ ಎಲ್ಲಾ ವಿವಾಹಗಳನ್ನು ಅಸಿಂಧು ಎಂದು ಘೋಷಿಸಿಲ್ಲ. 1954 ರ ಅಡಿಯಲ್ಲಿ, ಹಿಂದೂ ಮಹಿಳೆ ಮುಸ್ಲಿಂ ಪುರುಷನನ್ನು ಮದುವೆಯಾಗಬಹುದು ಮತ್ತು ಅವರ ವಿವಾಹವು ಮಾನ್ಯವಾಗಿರುತ್ತದೆ. ವಿಶೇಷ ವಿವಾಹ ಕಾಯಿದೆ 1954 ರ ಅಡಿಯಲ್ಲಿ ಮದುವೆ ಮಾನ್ಯವಾಗಲು ಹಿಂದೂ ಮಹಿಳೆ ಇಸ್ಲಾಂಗೆ ಮತಾಂತರಗೊಳ್ಳಬೇಕಾಗಿಲ್ಲ. ಅಂತಹ ವಿವಾಹದಿಂದ (ಫಸಿದ್ ಮದುವೆ) ಜನಿಸಿದ ಯಾವುದೇ ಮಗು ತನ್ನ ತಂದೆಯ ಆಸ್ತಿಯಲ್ಲಿ ಪಾಲು ಪಡೆಯಲು ಅರ್ಹತೆಯನ್ನು ಹೊಂದಿರುತ್ತದೆ. ಹಾಗಾಗಿ ಪೋಸ್ಟ್‌ನಲ್ಲಿ ಮಾಡಲಾದ ಪ್ರತಿಪಾದನೆ ತಪ್ಪಾಗಿದೆ.

ಕೃಪೆ: ಫ್ಯಾಕ್ಟ್‌ಚೆಕ್

ನಿಮ್ಮ ಸುತ್ತಮುತ್ತ ಮತ್ತು  ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್  ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ

ಇದನ್ನು ಓದಿರಿ: ಫ್ಯಾಕ್ಟ್‌ಚೆಕ್: ಭೀಮ್ ಆರ್ಮಿ ಕಾರ್ಯಕರ್ತರು ಭಗವದ್ಗೀತೆಯನ್ನು ಸುಟ್ಟು ಹಾಕಿದ್ದು ನಿಜವೇ?