FACT CHECK | ಚೀನಾದಲ್ಲಿ ಅದ್ದೂರಿಯಾಗಿ ಹೋಳಿ ಆಚರಿಸಲಾಗಿದೆ ಎಂದು ಸಂಬಧವಿಲ್ಲದ ವಿಡಿಯೋ ಹಂಚಿಕೆ

ಬಣ್ಣಗಳ ರೋಮಾಂಚಕ ಹಬ್ಬವಾದ ಹೋಳಿ ಚಳಿಗಾಲದ ಅಂತ್ಯ ಮತ್ತು ವಸಂತಕಾಲದ ಆರಂಭವನ್ನು ಸೂಚಿಸುವ ಹಬ್ಬವಾಗಿದ್ದು, ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೀಡಿಯೊವನ್ನು ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ. ವೀಡಿಯೊವು ಚೀನಾದಲ್ಲಿ ಹೋಳಿ ಆಚರಿಸುವುದನ್ನು ತೋರಿಸುತ್ತದೆ ಎಂದು ಹೇಳಲಾಗುತ್ತಿದೆ.

ಬೀದಿಯಲ್ಲಿ ಪಟಾಕಿ ಸಿಡಿಸುತ್ತಿರುವ ಉದ್ದನೆಯ ಸಾಲು, ಗಾಳಿಯಲ್ಲಿ ಬಣ್ಣಗಳನ್ನು ಚಿಮ್ಮಿಸುತ್ತಿರುವುದನ್ನು ಕಾಣಬಹುದು. ಜನರು ಬೀದಿಗಳಲ್ಲಿ ಆಚರಿಸುತ್ತಿರುವಾಗ ಹಲವಾರು ಜನರು ತಮ್ಮ ಮನೆಗಳ ಬಾಲ್ಕನಿಗಳಿಂದ ನೋಡುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು.

 ಹಿಂದುತ್ವ ನೈಟ್  @Hindustan_Meri1 ಎಂಬ ಎಕ್ಸ್‌ ಬಳಕೆದಾರರು ಮಾರ್ಚ್ 13, 2025 ಇದೇ ಹೇಳಿಕೆಯೊಂದಿಗೆ ವೀಡಿಯೊವನ್ನು ಹಂಚಿಕೊಳ್ಳುತ್ತಿದ್ದಾರೆ.  ಅನೇಕರು ಇದನ್ನು ಚೀನಾದಲ್ಲಿ ಹೋಳಿ ಆಚರಿಸುವ ಭಾರತೀಯರು ಎಂದು ಹಂಚಿಕೊಂಡರೆ, ಕೆಲವು ಸಾಮಾಜಿಕ ಮಾಧ್ಯಮ ಬಳಕೆದಾರರು ಇದನ್ನು ಉತ್ತರ ಪ್ರದೇಶ ಮತ್ತು ಪಂಜಾಬ್‌ನ ಹೋಳಿ ಆಚರಣೆಗಳು ಎಂದೂ ಕರೆದಿದ್ದಾರೆ. ಹಾಗಿದ್ದರೆ ಪೋಸ್ಟ್‌ನಲ್ಲಿ ಮಾಡಿದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸೋಣ.

ಫ್ಯಾಕ್ಟ್‌ಚೆಕ್ :

ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳುತ್ತಿರುವಂತೆ ಚೀನಾದ್ಲಿ ಹೋಳಿಯನ್ನು ಇಷ್ಟ ಅದ್ದೂರಿಯಾಗಿ ಆಚರಿಸಲಾಗಿದೆಯೇ ಎಂದು ಪರಿಶೀಲಿಸಲು ವಿಡಿಯೋದ ಕೀ ಫ್ರೇಮ್‌ಗಳನ್ನು ತೆಗೆದು ಗೂಗಲ್ ರಿವರ್ಸ್ ಇಮೇಜಸ್‌ನಲ್ಲಿ ಸರ್ಚ್ ಮಾಡಿದಾಗ, ಫೆಬ್ರವರಿ 16 ರಂದು “ಇಟ್ಸ್ ಚೀನಾ ಬೇಬಿ” ಎಂಬ ಹೆಸರಿನ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಇದೇ ರೀತಿಯ ವಿಡಿಯೋವನ್ನು ಹಂಚಿಕೊಂಡಿರುವುದು ಲಭ್ಯವಾಗಿದೆ. ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ವೀಡಿಯೊ ಚೀನೀ ಹೊಸ ವರ್ಷದ ಮೊದಲ ತಿಂಗಳ ಹದಿನಾರನೇ ದಿನವನ್ನು ತೋರಿಸಿದೆ ಎಂದು ಹೇಳಲಾಗಿದೆ. ಈ ವೀಡಿಯೊ ಈ ವರ್ಷ ಮಾರ್ಚ್ 14 ರಂದು ಹಂಚಿಕೊಂಡಿದ್ದು, ಹೋಳಿ ಹಬ್ಬದ ಒಂದು ದಿನ ಮುಂಚಿತವಾಗಿ  ಎಂಬುದು ಇದರಿಂದ ಸ್ಪಷ್ಟವಾಗಿದೆ.

 

View this post on Instagram

 

A post shared by Wander Joy (@itschina.baby)

ಚೀನಾದ ನಗರವಾದ ಚಾವೊಝೌದಲ್ಲಿ ನಡೆದ ವಸಂತ ಉತ್ಸವದ ವೀಡಿಯೊ ಎಂದು ಶೀರ್ಷಿಕೆಯಲ್ಲಿ ಹೇಳಲಾಗಿದೆ.

ವೈರಲ್ ವಿಡಿಯೋಗೆ ಸಂಬಂಧಿಸಿದಂತೆ ಮತ್ತಷ್ಟು ಸರ್ಚ್ ಮಾಡಿದಾಗ, ಅದೇ ರೀತಿಯ ವೀಡಿಯೊವನ್ನು ಹೋಲುವ ಹಲವಾರು ವೀಡಿಯೊಗಳನ್ನು ಲಭ್ಯವಾಗಿದ್ದು, ಪಟಾಕಿಗಳು ಚಾವೊಝೌ ವಸಂತ ಉತ್ಸವ ಆಚರಣೆಯ ಭಾಗವಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ ಚಾವೊಝೌ ಚೀನಾದ ಪೂರ್ವ ಗುವಾಂಗ್‌ಡಾಂಗ್ ಪ್ರಾಂತ್ಯದಲ್ಲಿರುವ ಒಂದು ನಗರ.

ಫೆಬ್ರವರಿ 14 ರಂದು ಯೂಟ್ಯೂಬ್ ವಿಡಿಯೋವೊಂದು ಕಂಡುಬಂದಿದ್ದು ಅದೇ ಪಟಾಕಿಗಳನ್ನು ವಿಭಿನ್ನ ಕೋನದಿಂದ ತೋರಿಸಿದೆ. ಈ ಕ್ಲಿಪ್‌ನಲ್ಲಿ, ಕೆಲವು ಕಟ್ಟಡಗಳು ಮ್ಯಾಂಡರಿನ್ ಪಠ್ಯವನ್ನು ಒಳಗೊಂಡ ಫಲಕಗಳನ್ನು ಹೊಂದಿರುವುದನ್ನು ನೋಡಬಹುದು.

ಸುದ್ದಿ ವರದಿಗಳ ಪ್ರಕಾರ, ಸ್ಪ್ರಿಂಗ್ ಫೆಸ್ಟಿವಲ್ ಎಂದೂ ಕರೆಯಲ್ಪಡುವ ಚೀನೀ ಹೊಸ ವರ್ಷವು 15 ದಿನಗಳವರೆಗೆ ಇರುತ್ತದೆ ಮತ್ತು ಪ್ರತಿ ವರ್ಷ ವರ್ಣರಂಜಿತ ಮೆರವಣಿಗೆಗಳು ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳಂತಹ ಸಂಪ್ರದಾಯಗಳಿಂದ ಗುರುತಿಸಲ್ಪಡುತ್ತದೆ. 2025 ರಲ್ಲಿ, ಆಚರಣೆಗಳು ಜನವರಿ 29 ರಂದು ಪ್ರಾರಂಭವಾಯಿತು ಮತ್ತು ಫೆಬ್ರವರಿ 12 ರಂದು ಲ್ಯಾಂಟರ್ನ್ ಉತ್ಸವದೊಂದಿಗೆ ಮುಕ್ತಾಯಗೊಂಡಿತು. ಈ ಸಮಯದಲ್ಲಿ, ಚೀನಾದ ಇತರ ಸ್ಥಳಗಳಲ್ಲಿ ಗುವಾಂಗ್‌ಡಾಂಗ್ ಮತ್ತು ಜಿಯಾಂಗ್ಕ್ಸಿ ಪ್ರಾಂತ್ಯದಲ್ಲಿ ಪಟಾಕಿ ಪ್ರದರ್ಶನವನ್ನು ನಡೆಸಲಾಯಿತು.

ಒಟ್ಟಾರೆಯಾಗಿ ಹೇಳುವುದಾದರೆ, ಚೀನಾದಲ್ಲಿ ಅದ್ದೂರಿಯಾಗಿ ಹೋಳಿಯನ್ನು ಆಚರಿಸಲಾಗಿದೆ ಎಂದು ಜನವರಿ 29 ಮತ್ತು ಫೆಬ್ರವರಿ 12 ರ ನಡುವೆ ನಡೆದ ಚೀನೀ ಹೊಸ ವರ್ಷದ ಆಚರಣೆಗಳ ವಿಡಿಯೋವನ್ನು ತಪ್ಪಾಗಿ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋಗೂ ಹೋಳಿ ಹಬ್ಬಕೂ ಸಂಬಂಧವಿಲ್ಲ.ಹಾಗಾಗಿ ಪೊಸ್ಟ್‌ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.

ನಿಮ್ಮ ಸುತ್ತಮುತ್ತ ಮತ್ತು  ಸಾಮಾಜಿಕ  ಮಾಧ್ಯಮಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್  ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ


ಇದನ್ನು ಓದಿರಿ : FACT CHECK | ಟೀಂ ಇಂಡಿಯಾ ಆಟಗಾರರು ಹೋಳಿ ಆಚರಿಸಿದ್ದಾರೆ ಎಂದು ಹಳೆಯ ವಿಡಿಯೋ ಹಂಚಿಕೆ


 

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights