FACT CHECK | ಗೇಮಿಂಗ್ ವಿಡಿಯೋವನ್ನು ರಷ್ಯಾ ಮೇಲೆ ಉಕ್ರೇನ್ ದಾಳಿ ಎಂದು ತಪ್ಪಾಗಿ ಹಂಚಿಕೆ
ರಷ್ಯಾ ಮತ್ತು ಉಕ್ರೇನ್ ನಡುವೆ ನಡೆಯುತ್ತಿರುವ ಯುದ್ಧದ ಮಧ್ಯೆ, ‘ಸ್ಪೈಡರ್ ವೆಬ್’ ಕಾರ್ಯಾಚರಣೆಯ ಅಡಿಯಲ್ಲಿ, ಉಕ್ರೇನ್ 100 ಕ್ಕೂ ಹೆಚ್ಚು ಡ್ರೋನ್ಗಳೊಂದಿಗೆ ರಷ್ಯಾದೊಳಗಿನ ವಾಯುನೆಲೆಗಳನ್ನು ಗುರಿಯಾಗಿಸಿಕೊಂಡಿದೆ. ಈ ಸಂದರ್ಭದಲ್ಲಿ, ವಿವಿಧ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿನ ಬಳಕೆದಾರರು ವೀಡಿಯೊವನ್ನು ಹಂಚಿಕೊಳ್ಳುತ್ತಿದ್ದಾರೆ. ಈ ವೀಡಿಯೊವು ವಿಮಾನ ನಿಲ್ಲಿಸಿರುವ ಸ್ಥಳದಲ್ಲಿ ಬಹು ಸ್ಫೋಟಗಳು ನಡೆಯುತ್ತಿರುವುದನ್ನು ತೋರಿಸುತ್ತದೆ. ರಷ್ಯಾದ ಏರ್ ಬೇಸ್ ಮೇಲೆ ಉಕ್ರೇನ್ ಡ್ರೋನ್ ದಾಳಿ ಎಂದು ಹೇಳಿಕೊಳ್ಳುತ್ತಿದ್ದಾರೆ.

ಫೇಸ್ಬುಕ್ ಬಳಕೆದಾರರೊಬ್ಬರು ಈ ವೀಡಿಯೊವನ್ನು ಹಂಚಿಕೊಂಡು, ‘‘ರಷ್ಯನ್ ಏರ್ ಬೇಸ್ ನಲ್ಲಿ ನಿಂತಿರುವ ಬಾಂಬರ್ ಗಳ ಮೇಲೆ.. ದಾಳಿ ಮಾಡುತ್ತಿರುವ ಉಕ್ರೇನ್ ಡ್ರೋನ್ಸ್..’’ ಎಂದು ಬರೆದುಕೊಂಡಿದ್ದಾರೆ. ಇದೇ ರೀತಿಯ ಹೇಳಿಕೆಯೊಂದಿಗೆ ವೈರಲ್ ಆಗುತ್ತಿರುವ ವೀಡಿಯೊವನ್ನು ನೀವು ಇಲ್ಲಿ, ಇಲ್ಲಿ ನೋಡಬಹುದು. ಹಾಗಿದ್ದರೆ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್ಚೆಕ್ :
ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾಗುತ್ತಿರುವ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆಯನ್ನು ಪರಿಶೀಲಿಸಲು, ವಿಡಿಯೋದ ಕೀ ಫ್ರೇಮ್ಗಳನ್ನು ತೆಗೆದು ಗೂಗಲ್ ರಿವರ್ಸ್ ಇಮೇಜಸ್ನಲ್ಲಿ ಸರ್ಚ್ ಮಾಡಿದಾಗ, .‘UWC’ ಎಂಬ ಯೂಟ್ಯೂಬ್ ಚಾನೆಲ್ನಲ್ಲಿ ಇದೇ ರೀತಿಯ ವೀಡಿಯೊ ಲಭ್ಯವಾಗಿದೆ “ಉಕ್ರೇನ್ ಡ್ರೋನ್ ದಾಳಿಯಿಂದ 40 ರಷ್ಯಾದ ಕಾರ್ಯತಂತ್ರದ ಬಾಂಬರ್ಗಳು TU-95 ನಾಶವಾಗಿವೆ” ಎಂದು ಕ್ಯಾಪ್ಶನ್ ನೀಡಲಾಗಿದೆ. ಇದರೊಂದಿಗೆ, “ಈ ವೀಡಿಯೊ ನಿಜವಲ್ಲ, ಆರ್ಮಾ 3 ದೃಶ್ಯಾವಳಿಯಾಗಿದೆ” ಎಂದು ಹೇಳಲಾಗಿದೆ.
ಜನವರಿ 1, 2025 ರಂದು ಅಪ್ಲೋಡ್ ಮಾಡಲಾದ ವೀಡಿಯೊ 20.8 ನಿಮಿಷಗಳಷ್ಟು ಉದ್ದವಾಗಿದೆ. 11 ನಿಮಿಷಗಳ ಆಸುಪಾಸಿನಲ್ಲಿ ನೀವು ವೈರಲ್ ವೀಡಿಯೊದ ದೃಶ್ಯವನ್ನು ಕಾಣಬಹುದು.
ಆರ್ಮಾ 3 ಒಂದು ಓಪನ್ ವರ್ಲ್ಡ್ ಟ್ಯಾಕ್ಟಿಕಲ್ ಶೂಟರ್ ಸಿಮ್ಯುಲೇಶನ್ ವೀಡಿಯೊ ಗೇಮ್ ಆಗಿದ್ದು, ಇದನ್ನು ಸ್ಟ್ರೀಮ್ ವಿತರಣಾ ವೇದಿಕೆಯ ಮೂಲಕ ಅಭಿವೃದ್ಧಿಪಡಿಸಲಾಗಿದೆ. ಇದೇ ರೀತಿಯ ಅನೇಕ ಇತರ ವೀಡಿಯೊಗಳನ್ನು ಈ ಯೂಟ್ಯೂಬ್ ಚಾನೆಲ್ನಲ್ಲಿ ಪೋಸ್ಟ್ ಮಾಡಲಾಗಿದೆ. ವಿವರಣೆಯಲ್ಲಿ “ಈ ವೀಡಿಯೊಗಳನ್ನು ಮಿಲಿಟರಿ ಸಿಮ್ಯುಲೇಟರ್ ಆರ್ಮಾ 3 ನಲ್ಲಿ ಮನರಂಜನೆ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾಡಲಾಗಿದೆ” ಎಂದು ಹೇಳಲಾಗಿದೆ.
ಉಕ್ರೇನ್ನ ಆಪರೇಷನ್ ಸ್ಪೈಡರ್ಸ್ ವೆಬ್ನ ಹಲವಾರು ವೀಡಿಯೊಗಳನ್ನು ಮಾಧ್ಯಮಗಳುಹಂಚಿಕೊಂಡಿವೆ. ಅವುಗಳಲ್ಲಿ ಕೆಲವು ರಷ್ಯಾದ ವಿಮಾನದ ಮೇಲಿನ ದಾಳಿಯನ್ನು ಸ್ಪಷ್ಟವಾಗಿ ತೋರಿಸುತ್ತವೆ. ಆದಾಗ್ಯೂ, ಬಹು ಸುದ್ದಿ ವರದಿಗಳಲ್ಲಿ ಕಂಡುಬರುವ ಈ ದಾಳಿಯ ನಿಜವಾದ ದೃಶ್ಯಗಳು ಆನ್ಲೈನ್ನಲ್ಲಿ ಪ್ರಸಾರವಾಗುತ್ತಿರುವ ವೈರಲ್ ವೀಡಿಯೊಕ್ಕಿಂತ ಭಿನ್ನವಾಗಿವೆ.
ಒಟ್ಟಾರೆಯಾಗಿ ಹೇಳುವುದಾದರೆ, ಉಕ್ರೇನ್ ರಷ್ಯಾದ ಮೇಲೆ ಡ್ರೋನ್ ದಾಳಿ ನಡೆಸಿದೆ ಎಂದು ಪ್ರಸಾರವಾಗುತ್ತಿರುವ ದೃಶ್ಯಗಳು ವಾಸ್ತವವಾಗಿ ಆರ್ಮಾ 3 ಗೇಮ್ನದ್ದಾಗಿವೆ ಎಂಬುದು ಸ್ಪಷ್ಟವಾಗಿದೆ. ಹಾಗಾಗಿ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
ಕೃಪೆ : ಸ್ಯೂಸ್ ಮೀಟರ್
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : FACT CHECK | ಅನುಷ್ಕಾ ಶರ್ಮಾ- ವೈಭವ್ ಸೂರ್ಯವಂಶಿಯನ್ನು ಭೇಟಿ ಮಾಡಿದ್ದಾರೆ ಎಂದು ಎಡಿಟ್ ಮಾಡಿದ ಫೋಟೊ ಹಂಚಿಕೆ

