ಬುರ್ಜ್ ಖಲೀಫಾ ಅಂಚಿನಲ್ಲಿ ನಿಂತ ಮಹಿಳೆಯಿಂದ ಎಮಿರೇಟ್ಸ್ ಜಾಹೀರಾತು : ಅದ್ಭುತ ವಿಡಿಯೋ ವೈರಲ್!
ವಿಮಾನಯಾನ ಕಂಪನಿ ಎಮಿರೇಟ್ಸ್ ಜಾಹೀರಾತಿಗಾಗಿ ಬುರ್ಜ್ ಖಲೀಫಾ ಅಂಚಿನಲ್ಲಿ ನಿಂತ ಮಹಿಳೆಯ ಅದ್ಭುತ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ. ವಿಶ್ವದ ಅತಿ ಎತ್ತರದ (828 ಮೀಟರ್) ಬುರ್ಜ್ ಖಲೀಫಾ ಅಂಚಿನಲ್ಲಿ ಮಹಿಳೆ ನಿಂತು ಜಾಹೀರಾತು ಫಲಕಗಳನ್ನು ಪ್ರದರ್ಶಿಸುವ ಸುಂದರವಾದ ವಿಡಿಯೋವನ್ನು ಬಿಟಿಎಸ್ ಹೇಗೆ ಚಿತ್ರೀಕರಿಸಲಾಗಿದೆ ಎಂಬುದನ್ನು ತೋರಿಸುತ್ತದೆ.
ಯುನೈಟೆಡ್ ಅರಬ್ ಎಮಿರೇಟ್ಸ್ನ ಅತಿದೊಡ್ಡ ವಿಮಾನಯಾನ ಸಂಸ್ಥೆ ಮತ್ತು ಫ್ಲ್ಯಾಗ್ ಕ್ಯಾರಿಯರ್ ಎಮಿರೇಟ್ಸ್, ದುಬೈನಲ್ಲಿ ಬುರ್ಜ್ ಖಲೀಫಾದ ಮೇಲೆ ಮಹಿಳೆ ನಿಂತಿರುವ ಹೊಸ ಜಾಹೀರಾತನ್ನು ಬಿಡುಗಡೆ ಮಾಡಿದ್ದು, ಈ ವೀಡಿಯೋ ಟ್ರೆಂಡ್ ಪಟ್ಟಿಯಲ್ಲಿ ಅಗ್ರ ಸ್ಥಾನವನ್ನು ಪಡೆದಿದೆ.
30 ಸೆಕೆಂಡುಗಳ ಜಾಹೀರಾತು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು ಕ್ಲಿಪ್ ನೋಡಿದ ನಂತರ ಬಳಕೆದಾರರು ಭಯಭೀತರಾಗಿದ್ದಾರೆ. ವೃತ್ತಿಪರ ಸ್ಕೈಡೈವಿಂಗ್ ಬೋಧಕರಾಗಿರುವ ನಿಕೋಲ್ ಸ್ಮಿತ್-ಲುಡ್ವಿಕ್ ಎಮಿರೇಟ್ಸ್ ಜಾಹೀರಾತಿಗಾಗಿ ಬುರ್ಜ್ ಖಲೀಫಾ ಅಂಚಿನಲ್ಲಿ ನಿಂತುಕೊಂಡಿದ್ದಾರೆ.
ಎಮಿರೇಟ್ಸ್ ಸಮವಸ್ತ್ರದಲ್ಲಿರುವ ನಿಕೋಲ್ “ಫ್ಲೈ ಎಮಿರೇಟ್ಸ್. ಉತ್ತಮದ ಹಾರಾಟ” ಎನ್ನುವ ಫಲಕಗಳನ್ನು ಒಂದೊಂದೇ ಬದಲಾಯಿಸುತ್ತಾರೆ. ಕ್ಯಾಮರಾ ಝೂಮ್ ಔಟ್ ಆಗುತ್ತಿದ್ದಂತೆ ನಿಕೋಲ್ ಬುರ್ಜ್ ಖಲೀಫಾದ ತುದಿಯಲ್ಲಿ ನಿಂತಿರುವ ಹಾಗೂ ದುಬೈಯ ಸ್ಕೈಲೈನ್ನ ಅದ್ಭುತ ನೋಟ ನೋಡಬಹುದು.
ನಿಕೋಲ್ ಇನ್ಸ್ಟಾಗ್ರಾಮ್ನಲ್ಲಿ ಜಾಹೀರಾತನ್ನು ಹಂಚಿಕೊಂಡರು, “ಇದು ನಿಸ್ಸಂದೇಹವಾಗಿ, ನಾನು ಮಾಡಿದ ಅದ್ಭುತ ಮತ್ತು ಅತ್ಯಾಕರ್ಷಕ ಸಾಹಸಗಳಲ್ಲಿ ಒಂದಾಗಿದೆ. ನಿಮ್ಮ ಸೃಜನಶೀಲ ಮಾರ್ಕೆಟಿಂಗ್ ಕಲ್ಪನೆಗಾಗಿ ಎಮಿರೇಟ್ಸ್ ಏರ್ಲೈನ್ಸ್ಗೆ ಒಂದು ದೊಡ್ಡ ಕೂಗು! ತಂಡದ ಭಾಗವಾಗಿರುವುದು ಸಂತೋಷದ ಸಂಗತಿ! ” ಎಂದು ಬರೆದುಕೊಂಡಿದ್ದಾರೆ.

