ಇಎಂಐ ಪಾವತಿಸುವಲ್ಲಿ ವಿಫಲ : ನಗರದಲ್ಲಿ 30,000 ಆಟೋ ರಿಕ್ಷಾಗಳ ವಶ..!

ಕೊರೊನಾ ಸಂದರ್ಭದಲ್ಲಿ ಮನೆಯಿಂದ ಹೊರಗಡೆ ದುಡಿಯುವವರ ಸ್ಥಿತಿ ಅದೋಗತಿಗೆ ಬಂದು ತಲುಪಿದೆ. ಗ್ರಾಹಕರಿಲ್ಲದೆ ಆದಾಯವಿಲ್ಲದೆ ನಗರದಲ್ಲಿ ಆಟೋ ಚಾಲಕರು ಕೋವಿಡ್ ಲಾಕ್‌ಡೌನ್ ಸಮಯದಲ್ಲಿ ಜೀವನ ನಡೆಸಲು ಕಷ್ಟಪಡುತ್ತಿದ್ದಾರೆ. ಹೀಗಿರುವಾಗ ಇಎಂಐ ಪಾವತಿಸುವಲ್ಲಿ ವಿಫಲವಾದ ಕಾರಣ ನಗರದ 30,000 ಆಟೋ-ರಿಕ್ಷಾಗಳನ್ನು ಖಾಸಗಿ ಫೈನಾನ್ಶಿಯರ್‌ಗಳು ವಶಪಡಿಸಿಕೊಂಡಿದ್ದಾರೆ.

ರಸ್ತೆಗಿಳಿದರೆ ದುಡಿಮೆ ಇಲ್ಲ, ತಿನ್ನಲ್ಲು ಒಂದು ಹೊತ್ತಿನ ಆಹಾರವೂ ಸಿಗುತ್ತಿಲ್ಲ. ಹೀಗಿರುವಾಗ ದಿನಗಳೆದಂತೆ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಾಗುತ್ತಿದೆ. ಇದೆಲ್ಲದರಿಂದ ಜೀವನ ಸಾಗುವುದೇ ಕಷ್ಟವಾಗಿರುವಾಗ ಖಾಸಗೀ ಫೈನಾನ್ಶಿಯರ್‌ಗಳು ಚಾಲಕರ ಬದುಕು ಬೀದಿ ಪಾಲಾಗಿಸಿದ್ದಾರೆ. ಕೋವಿಡ್ ಪೂರ್ವ ನಗರದಲ್ಲಿ ಸುಮಾರು 1.45 ಲಕ್ಷ ಆಟೋ ರಿಕ್ಷಾಗಳು ಸಂಚರಿಸುತ್ತಿದ್ದವು. ಸದ್ಯ ಇದರಲ್ಲಿ ಅರ್ಧದಷ್ಟು ಆಟೋಗಳು ಸಂಚರಿಸುತ್ತಿಲ್ಲ. ಇಎಂಐ ಪಾವತಿಸದ ಮಾಲೀಕರ ಆಟೋಗಳನ್ನು ವಶಕ್ಕೆ ಪಡೆದುಕೊಂಡು ಚಾಲಕನ ಬದುಕನ್ನೇ ನಾಶ ಮಾಡಿವೆ. ಇದನ್ನು ಸಮರ್ಥಿಸಿಕೊಂಡ ಆಟೋ ಯೂನಿಯನ್ ಅಧ್ಯಕ್ಷ ಸಿ ಎಸ್ ಸಂಪತ್, “ನಾವು ಏನನ್ನಾದರೂ ಮಾಡಿ ವಾಹನ ಸಾಲಗಳನ್ನು ಮನ್ನಾ ಮಾಡುವಂತೆ ಸರ್ಕಾರಕ್ಕೆ ಮನವಿ ಮಾಡಿದೆವು. ಆದರೆ, ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ”ಎಂದು ಅವರು ಹೇಳಿದರು.

ಸಾಂಕ್ರಾಮಿಕ ರೋಗದ ಮೊದಲು ಮತ್ತು ಎರಡನೇ ಅಲೆಗಳ ನಂತರ ಆಟೋ ಚಾಲಕರಿಗೆ ಅವರ ಜೀವನ ಹೀಗೆ ಬದಲಾಗುತ್ತದೆ ಎಂದು ತಿಳಿದಿರಲಿಲ್ಲ. “ಜುಲೈ 2020 ರಲ್ಲಿ ಮೊದಲ ಲಾಕ್‌ಡೌನ್ ಸಡಿಲಗೊಂಡ ನಂತರ ಆಟೋಗಳು ಮತ್ತೆ ರಸ್ತೆಗೆ ಬಂದವು. ಆದರೆ ಯಾವುದೇ ಗ್ರಾಹಕರು ಇರಲಿಲ್ಲ. ಮಾಲೀಕರು ಇಎಂಐಗಳನ್ನು ಪಾವತಿಸಲು ಸಾಧ್ಯವಾಗಲಿಲ್ಲ. ಅವರ ಜೀವನವು ಅವರು ಪ್ರತಿದಿನ ಗಳಿಕೆಯ ಮೇಲೆ ಮಾತ್ರ ಅವಲಂಬಿತವಾಗಿತ್ತು. ಮಕ್ಕಳಿಗೆ ಶಾಲೆ ಇಲ್ಲದ ಕಾರಣ ಮಕ್ಕಳು ಮನೆಯಲ್ಲೇ ಇದ್ದರು. ಆದರೀಗ ಶಾಲೆ ಆರಂಭವಾಗಿವೆ. ಹೀಗಿರುವಾಗ ನಮ್ಮ ಅರಿವಿಗೆ ಬಾರದಂತೆ ದುಡಿಮೆ ಮೇಲೆ ಇಂಥಹದೊಂದು ದೊಡ್ಡ ಹೊಡೆತ ಬೀಳುತ್ತದೆ ಎಂಬುದನ್ನ ನಾವೆಂದೂ ಊಹಿಸಿರಲಿಲ್ಲ ಎಂದು ತಂದೆಯಾಗಿರುವ ಕೆಲವು ಆಟೋ ಚಾಲಕರು ತಮ್ಮ ನೋವನ್ನು ಹಂಚಿಕೊಂಡರು ”ಎಂದು ಸಂಪತ್ ಹೇಳಿದರು.

ಮತ್ತೊಂದು ದುರಂತ ಅಂದರೆ ಆಟೋ-ರಿಕ್ಷಾಗಳನ್ನು ವಶಪಡಿಸಿಕೊಳ್ಳುವುದರ ಜೊತೆಗೆ, ತಮ್ಮ EMI ಗಳನ್ನು ಹೇಗೋ ನಿರ್ವಹಿಸಿದ ಆಟೋ ಚಾಲಕರು ತಮ್ಮ ಮೊದಲ ವಿಮೆಯನ್ನು ಪಾವತಿಸಲು ಹಣವನ್ನು ಹೊಂದಿರಲಿಲ್ಲ. ಅದು ರೂ 7,000 ರಿಂದ 8000 ವರೆಗೂ ಇದೆ. ಮಾತ್ರವಲ್ಲದೇ ಪರವಾನಗಿ, ಫಿಟ್ನೆಸ್ ಪ್ರಮಾಣಪತ್ರಗಳನ್ನು ಪಡೆಯಲು ಅವರ ಬಳಿ ಹಣವಿಲ್ಲದ ಸಂಕಟಗಳು ಎಂದೆಂದಿಗೂ ಮುಗಿಯದಂತಾಗಿವೆ.

ಈ ಸಂಕಷ್ಟದಿಂದ ಹೊರಬರಲು ವಿವಿಧ ಸಂಘಗಳು ಕೈಜೋಡಿಸಿ ಚಾಲಕರಿಗೆ ಸಹಾಯ ಮಾಡಲು ಮುಂದೆ ಬಂದವು. ಅವರು ಕೆಲವು ಕೌನ್ಸಿಲರ್‌ಗಳು ಮತ್ತು ಶಾಸಕರು, NGO ಗಳು, ನಾಗರಿಕ ಸಮಾಜ ಗುಂಪುಗಳ ಸಹಾಯದಿಂದ ಪಡಿತರವನ್ನು ಸಂಗ್ರಹಿಸಿ ಚಾಲಕರು ಮತ್ತು ಕುಟುಂಬಗಳಿಗೆ ಪಡಿತರ ವಿತರಿಸಲು ಮುಂದಾದರು.

ಸಾಫ್ಟ್ ವೇರ್ ಇಂಜಿನಿಯರ್ ಆಗಿರುವ ಪ್ರೇಮಾ ಕೋವಿಡ್ -19 ಉಲ್ಬಣಗೊಳ್ಳುತ್ತಿರುವುದರಿಂದ ಎಸ್ ಕೆ ಗಾರ್ಡನ್ಸ್ ನಲ್ಲಿ ಆಟೋ ರಿಕ್ಷಾ ಚಾಲಕನಾಗಿ ಕೆಲಸ ಮಾಡುತ್ತಿದ್ದ ತಂದೆಗೆ ಕೆಲಸ ಮಾಡದಂತೆ ಹೇಳಿದ್ದಳು. ಅವಳು ಅವನನ್ನು ನೋಡಿಕೊಳ್ಳುವುದಾಗಿ ಭರವಸೆ ನೀಡಿದ್ದರಿಂದ ತಂದೆ ಮನೆಯಲ್ಲೇ ಇದ್ದರು. ಇವರಿಗೆ ಯೂನಿಯನ್ ಸದಸ್ಯರು ಪಡಿತರ ಕಿಟ್ ನೀಡಿದರು. ಇದು ಭಾರೀ ಸುದ್ದಿ ಕೂಡ ಆಗಿತ್ತು. ಬಿ-ಪಿಎಸಿ ಸದಸ್ಯೆ (ಬೆಂಗಳೂರು-ರಾಜಕೀಯ ಕ್ರಿಯಾ ಸಮಿತಿ)  ಹರ್ಷಿತಾ, ಆಟೋ ಚಾಲಕರ ಕಷ್ಟವನ್ನು ನೋಡಿ ತಮ್ಮ ಒಂದು ತಿಂಗಳ ಸಂಬಳವನ್ನು ದಾನ ಮಾಡಿದರು. ಕೆಲ ಆಟೋ ಚಾಲಕರು ಮುಂದೆ ಬಂದು ಸಹಾಯ ಕೇಳುತ್ತಾರೆ. ಆದರೆ ನಗರದಲ್ಲಿ ನಾಚಿಕೆಪಟ್ಟು ಸಹಾಯ ಕೇಳಲು ಸಾಧ್ಯವಾಗದ ಹಲವಾರು ಜನರಿದ್ದಾರೆ.

ಹಣ್ಣು ಮಾರುವ ಮೊಬೈಲ್ ಮಳಿಗೆಗಳಾದ ಆಟೋಗಳು :-

ಗ್ರಾಹಕರಿಲ್ಲದ ನಗರದ ಅದೆಷ್ಟೋ ಆಟೋಗಳು ತರಕಾರಿ ಅಥವಾ ಹಣ್ಣು ಮಾರುವ ಮೊಬೈಲ್ ಮಳಿಗೆಗಳಾಗಿ ಪರಿವರ್ತಿಸಲಾಗಿದೆ.

ಕೊರೊನಾ ಲಾಕ್ ಡೌನ್ ಬಳಿಕ ಹಲವರು ಚಾಲಕರು ತಮ್ಮ ಆಟೋ ರಿಕ್ಷಾಗಳನ್ನು ಪರಿವರ್ತಿಸಿದ್ದಾರೆ. ಆಟೋ ಹಿಂದೆ ದೊಡ್ಡದಾದ ಕಬ್ಭಿಣದ ಪಾತ್ರೆಯನ್ನು ಹಾಕಿ ಅದರಲ್ಲಿ ಈರುಳ್ಳಿ, ಟಮೊಟೊ ಇತರ ತರಕಾರಿಗಳನ್ನು ಮಾರಾಟ ಮಾಡಲು ಪ್ರಾರಂಭಿಸಿದ್ದಾರೆ. ”ನಾವು ಎಪಿಎಂಸಿ ಮಾರುಕಟ್ಟೆಗಳಿಗೆ ಮುಂಜಾನೆ ಹೋಗುತ್ತೇವೆ. ಅಲ್ಲಿ ನಮ್ಮ ರಿಕ್ಷಾಗಳಲ್ಲಿ ತರಕಾರಿಗಳು ಮತ್ತು ಹಣ್ಣುಗಳನ್ನು ತುಂಬಿಕೊಂಡು ಮಾರಾಟಕ್ಕಿಳಿಯುತ್ತೇವೆ. ಅದಲ್ಲದೆ, ಆನ್‌ಲೈನ್ ಪೋರ್ಟಲ್‌ಗಳು ಈಗ ತರಕಾರಿಗಳನ್ನು ಮನೆ ಬಾಗಿಲಿಗೆ ತಲುಪಿಸುತ್ತಿವೆ. ವಾಸ್ತವವಾಗಿ, ಅನೇಕ ಕಿರಾಣಿ ಅಂಗಡಿಗಳು ಮತ್ತು ಸೂಪರ್ಮಾರ್ಕೆಟ್ಗಳು ಈಗಾಗಲೇ ತೆರೆದಿರುವುದರಿಂದ ಇದು ಕೂಡ ಉತ್ತಮವಾಗಿ ಕಾರ್ಯನಿರ್ವಹಿಸಲಿಲ್ಲ ”ಎಂದು ಹೊಸ ತಿಪ್ಪಸಂದ್ರದ ಆಟೋ ಚಾಲಕ ನಾಗರಾಜ್ ಹೇಳಿದರು.

“ನನಗೆ ತಿಳಿದಂತೆ ನಗರದಲ್ಲಿ ಕನಿಷ್ಠ 16 ಆಟೋ ಚಾಲಕರು ಕೋವಿಡ್‌ನಿಂದ ಸಾವನ್ನಪ್ಪಿದ್ದಾರೆ. ಸತ್ತವರಿಗೆ 1 ಲಕ್ಷ ರೂ.ಗಳ ಪರಿಹಾರ ನೀಡುವುದಾಗಿ ಸರ್ಕಾರ ಹೇಳಿದೆ. ಆದರೆ ಅದರ ಯಾವುದೇ ಸುಳಿವು ಇಲ್ಲ” ಎಂದು ಸಂಪತ್ ಹೇಳಿತ್ತಾರೆ. ಇದು ನಿಜಕ್ಕೂ ನಮ್ಮ ರಾಜ್ಯದ ಸುಳ್ಳಿನ ರಾಜಕಾರಣಕ್ಕೆ ಹಿಡಿದ ಕೈಗನ್ನಡಿಯಾಗಿದೆ.

“ಸರ್ಕಾರಿ ದಾಖಲೆಗಳ ಪ್ರಕಾರ, ಕರ್ನಾಟಕವು ಸುಮಾರು 7.75 ಲಕ್ಷ ಆಟೋ ರಿಕ್ಷಾ ಮತ್ತು ಟ್ಯಾಕ್ಸಿ ಚಾಲಕರನ್ನು ಹೊಂದಿದೆ. ಅದರಲ್ಲಿ ಕೇವಲ 3.2 ಲಕ್ಷ ಜನರು 5,000 ರೂಪಾಯಿ ಪರಿಹಾರವನ್ನು ಪಡೆದಿದ್ದಾರೆ. ಎರಡನೇ ತರಂಗದ ಸಮಯದಲ್ಲಿ, ನಾವು ಇದನ್ನು ಸರ್ಕಾರಕ್ಕೆ 10,000 ರೂ.ಗಳಿಗೆ ಹೆಚ್ಚಿಸಲು ಮತ್ತು ಪ್ರತಿ ಚಾಲಕರಿಗೆ ಕನಿಷ್ಠ ಮೂರು ತಿಂಗಳವರೆಗೆ ಪಾವತಿಸಲು ವಿನಂತಿಸಿದ್ದೆವು. ಸರ್ಕಾರವು ಕೇವಲ 3,000 ರೂ.ಗಳನ್ನು ಒಮ್ಮೆ ಮಾತ್ರ ನೀಡಿತು. ಅದೂ ಸಹ ಸೇವಾ ಸಿಂಧು ಆಪ್‌ನಲ್ಲಿ ನೋಂದಣಿ ಮಾಡಿಕೊಂಡಿರುವ ರವಾನಗಿ, ಫಿಟ್‌ನೆಸ್ ಪ್ರಮಾಣಪತ್ರ, ಆಧಾರ್ ಕಾರ್ಡ್ ಮತ್ತು ಲಿಂಕ್ ಮಾಡಿದ ಬ್ಯಾಂಕ್ ಖಾತೆ ಹೊದಿರುವ ಆಟೋ ಚಾಲಕರಿಗೆ ಮಾತ್ರ ಸಿಕ್ಕಿದೆ. ಪರಿಹಾರಕ್ಕಾಗಿ ಅರ್ಜಿ ಸಲ್ಲಿಸುವಾಗ ಎಷ್ಟು ಆಟೋ ಚಾಲಕರು ಇವೆಲ್ಲವನ್ನೂ ಹೊಂದಿರುತ್ತಾರೆ?” ಸಂಪತ್ ಆಶ್ಚರ್ಯಪಟ್ಟರು.

ಮನೆಯಿಂದ ದಿನನಿತ್ಯದ ಅಗತ್ಯ ವಸ್ತುಗಳನ್ನು ಪಡೆಯಲು ನಗರದ ಅನೇಕ ಕ್ಯಾಬ್ ಚಾಲಕರು ಕೆಟ್ಟ ಪರಿಣಾಮ ಅನುಭವಿಸುತ್ತಿದ್ಧಾರೆ. “ಮೊದಲು, ನಾವು ಐಟಿ ಪಾರ್ಕ್‌ಗಳಿಗೆ ನಿಯಮಿತ ಪ್ರವಾಸಗಳನ್ನು ಮಾಡುತ್ತಿದ್ದೆವು ಆದರೆ ಈಗ ಯಾವುದೇ ಸವಾರಿಯಿಲ್ಲ. ಹಲವರು ಟ್ಯಾಕ್ಸಿಗಳನ್ನು ರಸ್ತೆಬದಿಯಲ್ಲಿ ನಿಲ್ಲಿಸುತ್ತೇವೆ ಮತ್ತು ದೈನಂದಿನ ಹಣಕಾಸು ನಿರ್ವಹಣೆಗಾಗಿ ಮಾಸ್ಕ್ ಅಥವಾ ಇತರ ವಸ್ತುಗಳನ್ನು ಮಾರಾಟ ಮಾಡುತ್ತಿದ್ದಾರೆ “ಎಂದು ಕ್ಯಾಬ್ ಡ್ರೈವ್ ರಾಜಾನಂದ ತಮ್ಮ ಅಳಲು ತೋಡಿಕೊಂಡಿದ್ದಾರೆ.

ಒಟ್ಟಿನಲ್ಲಿ ಸುಳ್ಳು ಭರವಸೆಯ ರಾಜಕಾರಣ, ಒಂದು ಹೊತ್ತಿನ ಊಟಕ್ಕೂ ಪರದಾಡುವಂತಹ ದುಸ್ಥಿತಿ ನಮ್ಮ ರಾಜ್ಯದ ಬಹುತೇಕ ಆಟೋ ಚಾಲಕರನ್ನು ಕಣ್ಣೀರಿನಲ್ಲಿ ಕೈತೊಳಿಯುವಂತೆ ಮಾಡಿದೆ. ಜೀವನವನ್ನೇ ನರಕ ಮಾಡಿಬಿಟ್ಟಿದೆ. ಜೀವನಸಾಗಿಸಲು ಅಸಾಧ್ಯವಾದಂತ ಸ್ಥಿತಿಗೆ ತಂದೊಡ್ಡಿದೆ.