FACT CHECK | ಮೇಘಸ್ಫೋಟದ ಸಂದರ್ಭದಲ್ಲಿ ನಡೆದ ರಕ್ಷಣಾಕಾರ್ಯ ಎಂದು ಸಂಬಂಧವಿಲ್ಲದ ಫೊಟೊ ಹಂಚಿಕೆ
ಉತ್ತರಾಖಂಡದ ಉತ್ತರಕಾಶಿ ಜಿಲ್ಲೆಯಲ್ಲಿ ಆಗಸ್ಟ್ 5 ರಂದು ಸಂಭವಿಸಿದ ಭೀಕರ ಮೇಘ ಸ್ಫೋಟದಿಂದಾಗಿ ಭಾರಿ ಮಳೆ ಮತ್ತು ಪ್ರವಾಹಕ್ಕೆ ಕಾರಣವಾಗಿದ್ದು, ರಕ್ಷಣಾ ಕಾರ್ಯಾಚರಣೆಗೆ ಸಹಾಯ ಮಾಡಲು ಐಎಎಫ್ ಚಿನೂಕ್ ಹೆಲಿಕಾಪ್ಟರ್ ಜೆಸಿಬಿ ಎಕ್ಸ್ಕವೇಟರ್ ಯಂತ್ರ ಏರ್ ಲಿಫ್ಟ್ ಮಾಡಿದೆ ಎಂಬಂತೆ ಫೊಟೋ ಒಂದು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ.
![]()
ಈ ಪೋಸ್ಟ್ನ ಆರ್ಕೈವ್ ಮಾಡಿದ ಆವೃತ್ತಿಯನ್ನು ಇಲ್ಲಿ ಕಾಣಬಹುದು. ಹಾಗಿದ್ದರೆ ಪೋಸ್ಟ್ನಲ್ಲಿ ಮಾಡಿದ ಪ್ರತಿ[ಪಾದನೆ ನಿಜವೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್ಚೆಕ್ :
ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾಗುತ್ತಿರುವ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸಲು “Chinook JCB Uttarkshi” ಎಂಬ ಕೀವರ್ಡ್ ಬಳಸಿಕೊಂಡು ಸರ್ಚ್ ಮಾಡಿದಾಗ, ರಕ್ಷಣಾ ಪ್ರಯತ್ನಗಳಿಗೆ ಸಹಾಯ ಮಾಡಲು ಐಎಎಫ್ ತನ್ನ ಚಿನೂಕ್ ಹೆಲಿಕಾಪ್ಟರ್ಗಳನರನು ನಿಯೋಜಿಸಿದೆ ಎಂಬ ವರದಿ ಲಭ್ಯವಾಗಿದೆ. ಅವುಗಳನ್ನು ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ನೋಡಬಹುದು. ಆದಾಗ್ಯೂ, ಈ ಹೆಲಿಕಾಪ್ಟರ್ ಜೆಸಿಬಿ ಎಕ್ಸ್ಕವೇಟರ್ ಏರ್ಲಿಫ್ಟ್ ಮಾಡಲು ಬಳಸಲಾಗಿದೆ ಎಂದು ಯಾವುದೇ ವರದಿಗಳು ಹೇಳಿಲ್ಲ ಅಥವಾ ವೈರಲ್ ಚಿತ್ರವನ್ನು ಯಾವುದೇ ವರದಿಗಳಲ್ಲಿ ಹಂಚಿಕೊಳ್ಳಲಾಗಿಲ್ಲ.
![]()
ಮತ್ತಷ್ಟು ಮಾಹಿತಿಗಾಗಿ ವೈರಲ್ ಚಿತ್ರವನ್ನು ಗೂಗಲ್ ರಿವರ್ಸ್ ಇಮೇಜಸ್ನಲ್ಲಿ ಸರ್ಚ್ ಮಾಡಿದಾಗ, ಇದು ಅಕ್ಟೋಬರ್ 8, 2020 ರೆಡಿಫ್ ವರದಿಯಲ್ಲಿ ಇದೇ ರೀತಿಯ ಚಿತ್ರ ಕಂಡುಬಂದಿದೆ. “ಹಿಂಡನ್ ವಾಯುನೆಲೆಯಲ್ಲಿ ಭಾರತೀಯ ವಾಯುಪಡೆಯ ದಿನಾಚರಣೆಯ ಉಡುಗೆ ಪೂರ್ವಾಭ್ಯಾಸದ ಸಮಯದಲ್ಲಿ ಐಎಎಫ್ ಸಿಎಚ್ 47 ಚಿನೂಕ್ ಹೆಲಿಕಾಪ್ಟರ್ ಹೊವಿಟ್ಜರ್ ನ್ನು ಹೊತ್ತೊಯ್ಯುತ್ತದೆ” ಎಂದು ಫೋಟೋದ ಶೀರ್ಷಿಕೆಯಲ್ಲಿ ಬರೆಯಲಾಗಿದೆ. ಮೇ 6, 2022 ರ ಜೀ ನ್ಯೂಸ್ ವರದಿಯಲ್ಲೂ ಇದೇ ಚಿತ್ರವನ್ನು ಹೊಂದಿತ್ತು.
![]()
2020 ರ ಫೋಟೋವನ್ನು ವೈರಲ್ ಫೋಟೋದೊಂದಿಗೆ ಹೋಲಿಸಿದಾಗ ಹೆಲಿಕಾಪ್ಟರ್ನ ಮೇಲೆ ಅದರ ರೋಟರ್ ಬ್ಲೇಡ್ ಗಳ ನೆರಳು, ಬ್ಲೇಡ್ಗಳ ಸ್ಥಾನ ಮತ್ತು ನೇತಾಡುವ ಕೇಬಲ್ಗಳು ಒಂದೇ ರೀತಿ ಇರುವುದನ್ನು ನೋಡಿದ್ದೇವೆ. ಇದಲ್ಲದೆ, ವೈರಲ್ ಛಾಯಾಚಿತ್ರದಲ್ಲಿ ಕಂಡುಬರುವ ಜೆಸಿಬಿ ಯಂತ್ರದ ನಿಖರವಾದ ಚಿತ್ರವನ್ನು ಈ ನಿರ್ಮಾಣ ಕಂಪನಿಯೊಂದರ ವೆಬ್ಸೈಟ್ನಲ್ಲಿ ಲಭ್ಯವಾಗಿದೆ.
![]()
ಅನಂತರ ನಾವು ವೈರಲ್ ಚಿತ್ರವನ್ನು ಫೇಕ್ ಇಮೇಜ್ ಡಿಟೆಕ್ಟರ್ ಮೂಲಕ ಪರಿಶೀಲಿಸಿದ್ದೇವೆ. ಅದು ಅದನ್ನು “ಕಂಪ್ಯೂಟರ್-ರಚಿಸಿದ ಅಥವಾ ಮಾರ್ಪಡಿಸಿದ ಚಿತ್ರ” ಎಂದು ಫ್ಲ್ಯಾಗ್ ಮಾಡಿತು.
कुछ लोगों द्वारा चिनूक द्वारा उठाई JCB की उक्त तस्वीर को उत्तरकाशी के हर्षिल, धराली आपदा रेस्क्यू से जोड़ा जा रहा है, जोकि पूर्णतः असत्य एवं भ्रामक है। pic.twitter.com/og632zQJS3
— Uttarkashi Police Uttarakhand (@UttarkashiPol) August 8, 2025
ಉತ್ತರಕಾಶಿ ಪೊಲೀಸರು ಆಗಸ್ಟ್ 8, 2025 ರಂದು ಮಾಡಿದ ಎಕ್ಸ್ ಪೋಸ್ಟ್ ಅನ್ನು ನಾವು ನೋಡಿದ್ದೇವೆ. ವೈರಲ್ ಆದ ಚಿತ್ರವನ್ನು “ನಕಲಿ” ಎಂದು ಅದು ತಳ್ಳಿಹಾಕಿದೆ. “ಚಿನೂಕ್ ಎತ್ತಿದ ಜೆಸಿಬಿ ಎಕ್ಸ್ಕವೇಟರ್ ಎಂಬ ಚಿತ್ರವನ್ನು ಉತ್ತರಕಾಶಿಯ ಹರ್ಷಿಲ್, ಧರಾಲಿ ವಿಪತ್ತು ರಕ್ಷಣಾ ಕಾರ್ಯಾಚರಣೆಗೆ ಕೆಲವು ಜನರು ಲಿಂಕ್ ಮಾಡುತ್ತಿದ್ದಾರೆ, ಇದು ಸಂಪೂರ್ಣವಾಗಿ ಸುಳ್ಳು ಮತ್ತು ದಾರಿತಪ್ಪಿಸುವಂತಿದೆ” ಎಂದು ಹಿಂದಿ ಪೋಸ್ಟ್ನಲ್ಲಿ ಹೇಳಲಾಗಿದೆ.
ಇದರೊಂದಿಗೆ ಉತ್ತರಕಾಶಿಯಿಂದ ವರದಿ ಮಾಡುವ ಸ್ಥಳೀಯ ಪತ್ರಕರ್ತರೊಂದಿಗೆ ನಾವು ಮಾತನಾಡಿದ್ದೇವೆ. ಅವರು ಮಾತನಾಡಿ, ಚಿನೂಕ್ ಹೆಲಿಕಾಪ್ಟರ್ಗಳನ್ನು ಪರಿಹಾರ ಕಾರ್ಯಾಚರಣೆಗಳಲ್ಲಿ ಬಳಸಲಾಗುತ್ತಿದೆ, ಆದರೆ ಜನರನ್ನು ರಕ್ಷಿಸಲು ಮತ್ತು ಜನರೇಟರ್ಗಳನ್ನು ಸಾಗಿಸಲು ಮಾತ್ರ ಬಳಸಲಾಗುತ್ತಿದೆ ಎಂದು ಹೇಳಿದರು, ಆದರೆ ಸ್ಥಳಕ್ಕೆ ಜೆಸಿಬಿ ಎಕ್ಸ್ಕವೇಟರ್ ಯಂತ್ರವನ್ನು ಸಾಗಿಸಿದ ಬಗ್ಗೆ ಹೇಳಲಿಲ್ಲ.
ಒಟ್ಟಾರೆಯಾಗಿ ಹೇಳುವುದಾದರೆ, ಉತ್ತರಕಾಶಿ ಮೇಘಸ್ಫೋಟದ ರಕ್ಷಣಾ ಕಾರ್ಯಾಚರಣೆಗಾಗಿ ಐಎಎಫ್ ಚಿನೂಕ್ ಹೆಲಿಕಾಪ್ಟರ್ ಜೆಸಿಬಿ ಎಕ್ಸ್ಕವೇಟರ್ ಏರ್ ಲಿಫ್ಟ್ ಮಾಡಿದೆ ಎನ್ನಲಾದ ಪೋಸ್ಟ್ ಸುಳ್ಳು ಎಂದು ನ್ಯೂಸ್ ಚೆಕ್ಕರ್ ವರದಿ ಮಾಡಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : FACT CHECK | ಪಂಜಾಬ್ನಲ್ಲಿ ಮುಸ್ಲಿಂ ವ್ಯಕ್ತಿ ಹಿಂದೂವನ್ನು ಕೊಂದಿದ್ದು ನಿಜವೇ?

