Fact Check: ರೈತ ಪರ ಸಂದೇಶವಿರುವ ಟೀ ಶರ್ಟ್ ಧರಿಸಿ ದೀಪಿಕಾ ಎನ್‌ಸಿಬಿ ಮುಂದೆ ಹಾಜರಾದ್ರಾ?
ಮಾದಕವಸ್ತು ನಿಯಂತ್ರಣ ಬ್ಯೂರೋ (ಎನ್‌ಸಿಬಿ) ಸೆಪ್ಟೆಂಬರ್ 26 ರಂದು ನಟ ದೀಪಿಕಾ ಪಡುಕೋಣೆ‌ರನ್ನು ಬಾಲಿವುಡ್ ಡ್ರಗ್ಸ್ ಪ್ರಕರಣದಲ್ಲಿ ಪ್ರಶ್ನಿಸಿದ ನಂತರ ಅವರ ಹೆಸರು ಹಲವಾರು ಮಾದಕವಸ್ತು ಸಂಬಂಧಿತ ವಾಟ್ಸಾಪ್ ಚಾಟ್‌ಗಳಲ್ಲಿ ಹೊರಹೊಮ್ಮಿದೆ.
ಸೋಷಿಯಲ್ ಮೀಡಿಯಾದಲ್ಲಿ, ಅನೇಕ ಬಳಕೆದಾರರು ದೀಪಿಕಾ ಅವರ ಚಿತ್ರವನ್ನು ಕಪ್ಪು ಟೀ ಶರ್ಟ್ ನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಅದರ ಮೇಲೆ “ಐ ಸ್ಟ್ಯಾಂಡ್ ವಿಥ್ ಇಂಡಿಯನ್ ಫಾರ್ಮರ್ಸ್” ಎಂದು ಬರೆಯಲಾಗಿದೆ. ಹೀಗೆ ಬರೆದ ಟೀ ಸರ್ಟ್ ಧರಿಸಿ ಅವರು ಎನ್‌ಸಿಬಿಯ ಮುಂದೆ ವಿಚಾರಣೆಗೆ ಹಾಜರಾದರು ಎಂದು ನೆಟಿಜನ್‌ಗಳು ಹೇಳುತ್ತಾರೆ. ಕೇಂದ್ರದ ಇತ್ತೀಚಿನ ಕೃಷಿ ಸುಧಾರಣಾ ಮಸೂದೆಗಳ ವಿರುದ್ಧ ವಿವಿಧ ರೈತ ಸಂಘಗಳು ಪ್ರತಿಭಟನೆ ನಡೆಸುತ್ತಿವೆ. ಇದರ ಬೆನ್ನಲ್ಲೆ ಇಂತಹದೊಂದು ಸುದ್ದಿ ವೈರಲ್ ಆಗಿದೆ.
ಫೇಸ್‌ಬುಕ್ ಬಳಕೆದಾರ “ರಾಜೀವ್ ತ್ಯಾಗಿ” ಚಿತ್ರವನ್ನು ಪೋಸ್ಟ್ ಮಾಡಿ, “ನೀವು ಎನ್‌ಸಿಬಿ ಪ್ರಶ್ನಿಗೆ ಒಳಪಟ್ಟಿದ್ದು ಏಕೆಂದರೆ ನೀವು ಜೆಎನ್‌ಯುನೊಂದಿಗೆ ಒಗ್ಗಟ್ಟಿನಿಂದ ನಿಂತಿದ್ದೀರಿ ಮತ್ತು ನಿಮ್ಮ ಟಿ-ಶರ್ಟ್‌ನಲ್ಲಿ ಅದು ಕಾಣುತ್ತಿದೆ …”
ಇಂಡಿಯಾ ಟುಡೆ ಆಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್‌ಡಬ್ಲ್ಯೂಎ) ಈ ಹೇಳಿಕೆಯನ್ನು ಸುಳ್ಳು ಎಂದು ಕಂಡುಹಿಡಿದಿದೆ. ಚಿತ್ರ ಹಳೆಯದು ಮತ್ತು ಫೋಟೋಶಾಪ್ ಮಾತ್ರವಲ್ಲ, ದೀಪಿಕಾ ಸೆಪ್ಟೆಂಬರ್ 26 ರಂದು ಪಲಾಜೋ ಸೂಟ್‌ನಲ್ಲಿ ಎನ್‌ಸಿಬಿ ಮುಂದೆ ಕಾಣಿಸಿಕೊಂಡರು.
ಎಎಫ್‌ಡಬ್ಲ್ಯೂಎ ತನಿಖೆ
ರಿವರ್ಸ್ ಇಮೇಜ್ ಹುಡುಕಾಟವನ್ನು ಬಳಸಿಕೊಂಡು, ನಾವು 2018 ರಿಂದ ಹಲವಾರು ಸುದ್ದಿ ಲೇಖನಗಳಲ್ಲಿ ವೈರಲ್ ಚಿತ್ರವನ್ನು ಕಂಡುಕೊಂಡಿದ್ದೇವೆ. ಆದಾಗ್ಯೂ, ಈ ಚಿತ್ರಗಳಲ್ಲಿ ದೀಪಿಕಾವನ್ನು ಯಾವುದೇ ಬರವಣಿಗೆ ಇಲ್ಲದೇ ಸರಳ ಕಪ್ಪು ಟೀ ಶರ್ಟ್‌ನಲ್ಲಿ ಕಾಣಬಹುದು.
ಮಾರ್ಚ್ 20, 2018 ರಂದು, “ದಿ ಇಂಡಿಯನ್ ಎಕ್ಸ್ ಪ್ರೆಸ್” ತನ್ನ ಮನರಂಜನಾ ಗ್ಯಾಲರಿಯಲ್ಲಿ ಚಿತ್ರವನ್ನು ಎಥಾಸ್ಥಿತಿಯಲ್ಲಿ ಅಪ್ಲೋಡ್ ಮಾಡಿದೆ. ಶೀರ್ಷಿಕೆಯ ಪ್ರಕಾರ, ಚಿತ್ರ ಕ್ಲಿಕ್ ಮಾಡಿದಾಗ ನಟಿ ವಿಮಾನ ನಿಲ್ದಾಣದಿಂದ ಹೊರಬರುತ್ತಿದ್ದಳು.
ಮನರಂಜನಾ ವೆಬ್‌ಸೈಟ್ “ಬಾಲಿವುಡ್ ಹಂಗಮಾ” ಮತ್ತು ಚಿತ್ರ ಹಂಚಿಕೆ ಸೇವೆ “Pinterest” ಸಹ ಇದೇ ರೀತಿಯ ಚಿತ್ರಗಳನ್ನು ಪ್ರಕಟಿಸಿದೆ.
ಬಾಲಿವುಡ್ ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಾಲಿವುಡ್ ನಟಿಯರಾದ ದೀಪಿಕಾ ಪಡುಕೋಣೆ, ಸಾರಾ ಅಲಿ ಖಾನ್, ಶ್ರದ್ಧಾ ಕಪೂರ್ ಮತ್ತು ರಕುಲ್ ಪ್ರೀತ್ ಸಿಂಗ್ ಅವರನ್ನು ಎನ್‌ಸಿಬಿ ಕರೆಸಿ ವಿಚಾರಿಸುತ್ತಿದೆ.
ಸೆಪ್ಟೆಂಬರ್ 26 ರಂದು ಬೆಳಿಗ್ಗೆ 9: 45 ರ ಸುಮಾರಿಗೆ ಪಲಾಜೋ ಸೂಟ್‌ನಲ್ಲಿ ದೀಪಿಕಾ ಮುಂಬೈನ ಕೊಲಾಬಾದ ಎನ್‌ಸಿಬಿ ಗೆಸ್ಟ್‌ಹೌಸ್‌ಗೆ ಬಂದರು. ಬಹು ಮಾಧ್ಯಮ ಸಂಸ್ಥೆಗಳು ಒಂದೇ ರೀತಿಯ ಚಿತ್ರಗಳನ್ನು ಮತ್ತು ವೀಡಿಯೊಗಳನ್ನು ಹಂಚಿಕೊಂಡಿವೆ.
ಆದ್ದರಿಂದ, ಪ್ರತಿಭಟನಾ ನಿರತ ರೈತರನ್ನು ಬೆಂಬಲಿಸುವ ಸಂದೇಶದೊಂದಿಗೆ ಟೀ ಶರ್ಟ್‌ನಲ್ಲಿ ದೀಪಿಕಾ ಎನ್‌ಸಿಬಿ ಮುಂದೆ ಹಾಜರಾದರು ಎಂಬ ಹೇಳಿಕೆ ಸುಳ್ಳು. ಚಿತ್ರ ಹಳೆಯದು ಮಾತ್ರವಲ್ಲ, ಫೋಟೋಶಾಪ್ ಕೂಡ ಆಗಿದೆ.
