2023ರ ಕರ್ನಾಟಕ ಚುನಾವಣೆ; BSYಗೆ ಸೆಡ್ಡುಹೊಡೆದು ಅಧಿಕಾರ ಹಿಡಿಯಲು ಬಿಜೆಪಿ ಕಸರತ್ತು!

ಕರ್ನಾಟಕದಿಂದ ನಾಲ್ವರು ಸಂಸದರನ್ನು ಕೇಂದ್ರ ಸಚಿವ ಸಂಪುಟಕ್ಕೆ ಸೇರಿಕೊಂಡಿದ್ದು, ಜಾತಿ ಮತ್ತು ಪ್ರದೇಶಿಕ ಪ್ರಾತಿನಿಧ್ಯಕ್ಕೆ ಬಿಜೆಪಿ ಮಣೆಹಾಕಿದೆ. ಕರ್ನಾಟಕದ ಸಂಸದರಾದ ಎ ನಾರಾಯಣಸ್ವಾಮಿ, ಶೋಭಾ ಕರಂದ್ಲಾಜೆ, ಭಗವಂತ್ ಖುಬಾ ಮತ್ತು ರಾಜೀವ್ ಚಂದ್ರಶೇಖರ್ ಅವರು ಹೊಸದಾಗಿ ಸಂಪುಟಕ್ಕೆ ಸೇರಿದ್ದಾರೆ. ಈ ನಾಲ್ವರ ಜಾತಿ, ಪ್ರದೇಶ ಪ್ರಾತಿನಿಧ್ಯ ಮತ್ತು ಪಕ್ಷದ ಸದಸ್ಯತ್ವದ ಅವಧಿ ಇತ್ಯಾದಿಗಳ ವಿಷಯದಲ್ಲಿ ಭಿನ್ನವಾಗಿರಬಹುದು. ಆದರೆ, ಈ ಎಲ್ಲರೂ ಹಿಂದೂತ್ವ ಮತ್ತು ಅಲ್ಟ್ರಾ ನ್ಯಾಷನಲಿಸಂ ಬಗ್ಗೆ ಮಾತನಾಡುವವರೇ.

ರಾಜ್ಯ ಮತ್ತು ಕೇಂದ್ರ ಬಿಜೆಪಿ ಘಟಕಗಳು ಕರ್ನಾಟಕದಲ್ಲಿ ಮುಂದಿನ ವಿಧಾನಸಭೆ ಮತ್ತು ಲೋಕಸಭಾ ಚುನಾವಣೆಗಳಲ್ಲಿ ಮತದಾರರನ್ನು ಸೆಳೆಯಲು ಭಾರೀ ಕಸರತ್ತು ನಡೆಸುತ್ತಿವೆ.

ಕೇಂದ್ರ ಸಚಿವ ಸಂಪುಟದಲ್ಲಿ ಪ್ರಮಾಣ ವಚನ ಸ್ವೀಕರಿಸುವ ಕೆಲವೇ ಗಂಟೆಗಳ ಮೊದಲು, ಶೋಭಾ ಕರಂದ್ಲಾಜೆ ಅವರ ಎಲ್ಲಾ ಟ್ವೀಟ್‌ಗಳನ್ನು ಅಳಿಸಿದ್ದಾರೆ. 2010 ರಲ್ಲಿ ರಚಿಸಲಾದ ಅವರ ಟ್ವಿಟ್ಟರ್ ಖಾತೆಯಲ್ಲಿ ಈಗ ಕೇವಲ 15 ಟ್ವೀಟ್‌ಗಳಿವೆ. ಅವರು ತಮ್ಮ ಟ್ವೀಟ್‌ಗಳನ್ನು ಅಳಿಸುವ ಮೊದಲು, ಅವರ ಟ್ವೀಟ್‌ಗಳು ಪ್ರಚೋದನಕಾರಿ ಹೇಳಿಕೆಗಳಿಂದ ತುಂಬಿತ್ತು.

2020 ರಲ್ಲಿ, ಬೀದರ್ ಸಂಸದ ಭಗವಂತ್ ಖುಬಾ ಅವರು ಪೌರತ್ವ ತಿದ್ದುಪಡಿ ಕಾಯ್ದೆಯ ವಿರುದ್ಧ ನಡೆದ ಹೋರಾಟ ವೇಳೆ ವಿದ್ಯಾರ್ಥಿಗಳು ಮತ್ತು ಶಾಲಾ ಶಿಕ್ಷಕರ ವಿರುದ್ದ ದೇಶದ್ರೋಹ ಆರೋಪವನ್ನು ಖುಬಾ ಬೆಂಬಲಿಸಿದ್ದರು. ಇದರಿಂದಾಗಿ ಅವರು ಬಿಜೆಪಿ ರಾಷ್ಟ್ರ ನಾಯಕರ ಗಮನ ಸೆಳೆದರು. ಈ ವೇಳೆ ಅಪ್ರಾಪ್ತ ವಿದ್ಯಾರ್ಥಿಗಳನ್ನು ಪೊಲೀಸರು ವಿಚಾರಣೆ ನಡೆಸಿದರು. ಅದೇ ವರ್ಷದ ಮಾರ್ಚ್ನಲ್ಲಿ, ಸೆಷನ್ಸ್ ನ್ಯಾಯಾಲಯವು ಎಲ್ಲಾ ಆರೋಪಿಗಳಿಗೆ ಜಾಮೀನು ನೀಡಿತು ಮತ್ತು ಘಟನೆಗೆ ಸಂಬಂಧಿಸಿದಂತೆ ಇದು ದೇಶದ್ರೋಹವಲ್ಲ ಎಂದು ಅಭಿಪ್ರಾಯಪಟ್ಟಿತು.

Read Also: ಎಟೆಲಾ ರಾಜೇಂದರ್ ಆಪ್ತ ಬಿಜೆಪಿ ಸೇರಲು ನಕಾರ; ಎಂದಿಗೂ BJP ಸೇರಲ್ಲ ಎಂದ ಸಮ್ಮಿ ರೆಡ್ಡಿ!

ನಾರಾಯಣಸ್ವಾಮಿ ಅವರು ಕೋಮುವಾದಿ ಗುರುತನ್ನು ಎಂದಿಗೂ ಹೊಂದಿರದಿದ್ದರೂ, ಅವರು ಹಿಂದೂ ಗುರುತನ್ನು ಹೊಂದಿರುವ ಆರ್‌ಎಸ್‌ಎಸ್‌ನ ಪರಿಶಿಷ್ಟ ಜಾತಿ ಕಾರ್ಯಕರ್ತ. ಇವರು ಹಿಂದೂ ಸಂಪ್ರದಾಯಗಳ ರಕ್ಷಣೆಗೆ ಎಂಬ ಮುಖವಾಡದೊಂದಿಗೆ ಶಬರಿಮಲ ದೇವಾಲಯದ ಹೋರಾಟದಲ್ಲಿ ಗಮನ ಸೆಳೆದಿದ್ದ ರಾಜೀವ್ ಚಂದ್ರಶೇಖರ್ ಅವರನ್ನು ಸಮರ್ಥಿಸಿಕೊಂಡ ಅಲ್ಟ್ರಾ ನ್ಯಾಷನಲಿಸ್ಟ್.

ಈ ನಾಲ್ವರ ಆಯ್ಕೆಗಳ ಹಿಂದೆ ಪಕ್ಷದ ಆಲೋಚನೆಯು ಮುಂದಿನ ಚುನಾವಣೆಗಳಲ್ಲಿ – ಹಿಂದುತ್ವ, ರಾಷ್ಟ್ರೀಯತೆಯೊಂದಿಗೆ ಜನರ ಬಳಿಗೆ ಹೋಗಲು ಬಿಜೆಪಿ ಉದ್ದೇಶಿಸಿರುವ ಸಂಗತಿಗಳೊಂದಿಗೆ ಸಾಕಷ್ಟು ಸಂಬಂಧ ಹೊಂದಿದೆ ಎಂದು ಸೂಚಿಸುತ್ತದೆ. “ಅವರೆಲ್ಲರೂ ಸೈದ್ಧಾಂತಿಕ ಪ್ರಬಲರು. ಅವರ ಹಿಂದೂ ಗುರುತಿನ ಬಗ್ಗೆ ಅವರಿಗೆ ಅಸಮಾಧಾನವಿದೆ. 2008ರಲ್ಲಿ ಜೆಡಿಎಸ್ ನಾಯಕ ಎಚ್.ಡಿ.ಕುಮಾರಸ್ವಾಮಿ ಅವರು ಅಧಿಕಾರವನ್ನು ಹಸ್ತಾಂತರಿಸಲು ನಿರಾಕರಿಸಿದಾಗ, ಬಿಜೆಪಿ ಗೆಲುವಿಗೆ ಲಿಂಗಾಯತರು ಪ್ರಮುಖ ಪಾತ್ರವಾಗಿದ್ದರು. ಆದರೆ ಇದು ಇತರ ಹಿಂದೂ ಸಮುದಾಯಗಳ ಮತಗಳ ನಷ್ಟಕ್ಕೂ ಕಾರಣವಾಯಿತು.

ಹೀಗಾಗಿಯೇ, ಮುಂದಿನ ಚುನಾವಣೆಯಲ್ಲಿ ಮತ್ತೆ ಹಿಂದೂತ್ವದ ಬಲವರ್ಧನೆಯಾಗಲಿದೆ. ನಮ್ಮ ಪ್ರಮುಖ ಚುನಾವಣಾ ಅಸ್ತ್ರಗಳು “ಹಿಂದುತ್ವ, ರಾಷ್ಟ್ರೀಯತೆ ಮತ್ತು ಅಭಿವೃದ್ಧಿ ಆಗಿರುತ್ತದೆ ”ಎಂದು ಪಕ್ಷದ ಹಿರಿಯ ಪದಾಧಿಕಾರಿ ಹೇಳಿದರು. ಮುಖ್ಯಮಂತ್ರಿ ಬಿ ಎಸ್ ಯಡಿಯುರಪ್ಪ ಅವರ ನೇತೃತ್ವದಲ್ಲಿ ಮಾತ್ರ ಚುನಾವಣೆಗಳನ್ನು ಗೆಲ್ಲಬಹುದು ಎಂಬ ಚಿತ್ರಣವನ್ನು ಬುಡಮೇಲು ಮಾಡಲು ಕರ್ನಾಟಕದ ಪಕ್ಷವು ತೀವ್ರವಾಗಿ ಪ್ರಯತ್ನಿಸುತ್ತಿರುವ ಸಮಯದಲ್ಲಿ ಈ ಕ್ರಮವೂ ಒಂದಾಗಿದೆ. ಅದಕ್ಕಾಗಿ ವಿವಿಧ ಸಮುದಾಯದವರಿಗೆ ಸಚಿವ ಸಂಪುಟದಲ್ಲಿ ಜಾಗ ನೀಡಲಾಗಿದೆ.

Read Also: ಕೊರೊನಾ 2ನೇ ಅಲೆ ಕಾರಣ; ಮೋದಿ ಜಾಗತಿಕ ಜನಪ್ರಿಯತೆ ಭಾರೀ ಕುಸಿತ!

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights