ಫ್ಯಾಕ್ಟ್‌ಚೆಕ್: ಇದು ನೂಪುರ್ ಶರ್ಮ ಪ್ರವಾದಿ ನಿಂದಿಸಿದ್ದಕ್ಕೆ ನಡೆದ ಪ್ರತಿಭಟನೆಯಲ್ಲ!

ಇತ್ತೀಚೆಗೆ, ಪ್ರವಾದಿ ಮುಹಮ್ಮದ್ ಕುರಿತು ಬಿಜೆಪಿ ವಕ್ತಾರೆ ನೂಪುರ್ ಶರ್ಮಾ ಅವರ ನಿಂದನಾತ್ಮಕ ಹೇಳಿಕೆಗಳನ್ನು ಹಲವು ಇಸ್ಲಾಮಿಕ್ ದೇಶಗಳು ಖಂಡಿಸಿವೆ. ನೂಪುರ್ ಶರ್ಮಾ ಅವರ ಹೇಳಿಕೆಯನ್ನು ಖಂಡಿಸಿ ಭಾರಿ ಸಂಖ್ಯೆಯಲ್ಲಿ ಮುಸಲ್ಮಾನರು ಪ್ರತಿಭಟಿನೆ ನಡೆಸುತ್ತಿದ್ದಾರೆ ಎಂಬ ಹೇಳಿಕೆಯೊಂದಿಗೆ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ. ಅಲ್ಲದೆ ಈ ವೈರಲ್ ವಿಡಿಯೊವನ್ನು ‘ಕೊಲ್ಕತ್ತಾದಲ್ಲಿ ಸಿವಿಲ್ ವಾರ್’ ಎಂದು ಪ್ರತಿಪಾದಿಸಿ ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಹಾಗಿದ್ದರೆ ಈ ವಿಡಿಯೋ ಪೋಸ್ಟ್‌ನ ಸತ್ಯಾಸತ್ಯತೆ ಏನೆಂದು ಪರಿಶೀಲಿಸೋಣ.

ಫ್ಯಾಕ್ಟ್‌ಚೆಕ್:

ವೀಡಿಯೊದ ಸ್ಕ್ರೀನ್‌ಶಾಟ್‌ಗಳನ್ನು ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಮೂಲಕ ಹುಡುಕಿದಾಗ, ಅದೇ ವೀಡಿಯೊ ಯೂಟ್ಯೂಬ್‌ನಲ್ಲಿ ಕಂಡುಬಂದಿದೆ. ವೀಡಿಯೊವನ್ನು 04 ಜನವರಿ 2021 ರಂದು  “ಅಲ್ಲಾಮ ಖಾದಿಮ್ ಹುಸೇನ್ ರಿಜ್ವಿ ಚೆಹ್ಲುಮ್ I TLP ಚೆಹ್ಲುಮ್ 2021” ಎಂಬ ಶೀರ್ಷಿಕೆಯೊಂದಿಗೆ ಅಪ್‌ಲೋಡ್ ಮಾಡಲಾಗಿದೆ . ‘ಚೆಹ್ಲುಮ್‘ ಎಂದರೆ ಒಬ್ಬ ವ್ಯಕ್ತಿಯ ಮರಣದ 40 ದಿನಗಳ ನಂತರ ನಡೆಯುವ ಇಸ್ಲಾಂ ಧರ್ಮದ ಧಾರ್ಮಿಕ ಆಚರಣೆಯಾಗಿದೆ.

19 ನವೆಂಬರ್ 2020 ರಂದು, ತೆಹ್ರೀಕ್-ಎ-ಲಬ್ಬೈಕ್ ಪಾಕಿಸ್ತಾನ್ (TLP) ಮುಖ್ಯಸ್ಥ ಖಾದಿಮ್ ಹುಸೇನ್ ರಿಜ್ವಿ 54 ನೇ ವಯಸ್ಸಿನಲ್ಲಿ ನಿಧನರಾದರು. ಅವರ ಚೆಹ್ಲುಮ್ (ಇದು ಧಾರ್ಮಿಕ ಆಚರಣೆ) 03 ಜನವರಿ 2021 ರಂದು ಮಸೀದಿ ರೆಹಮತುಲ್ ಲಿಲ್ ಅಲಮೀನ್ ಬಳಿ ಆಚರಿಸಲಾಯಿತು. ಲಾಹೋರ್‌ನಲ್ಲಿ ಮುಲ್ತಾನ್ ರಸ್ತೆಯ ಬ್ಯಾಟರಿ ಸ್ಟಾಪ್. ವೈರಲ್ ವೀಡಿಯೋದಲ್ಲಿ ಕಂಡುಬರುವ ದೃಶ್ಯಗಳು ಈ ಚೆಹ್ಲಂನಿಂದ ಬಂದವುಗಳಾಗಿವೆ, ಇದು ಪಾಕಿಸ್ತಾನದಲ್ಲಿ ಸಾವಿರಾರು ಜನರು ಸೇರಿದ್ದರು. ಆದ್ದರಿಂದ, ಪೋಸ್ಟ್ ಮಾಡಿದ ವೀಡಿಯೊ ಹಳೆಯದಾಗಿದೆ ಮತ್ತು ಇದು ಪ್ರವಾದಿ ಮುಹಮ್ಮದ್ ಕುರಿತು ನೂಪುರ್ ಶರ್ಮಾ ಮಾಡಿದ ಅವಹೇಳನಕಾರಿ ಹೇಳಿಕೆಗೆ ಸಂಬಂಧಿಸಿಲ್ಲ.

ನೂಪುರ್ ಶರ್ಮಾ ಅವರ ಹೇಳಿಕೆಗಳ ವಿರುದ್ಧದ ಪ್ರತಿಭಟನೆಗಳಿಗೆ ಸಂಬಂಧಿಸಿದ ಇತ್ತೀಚಿನ ಕೆಲವು ದೃಶ್ಯಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು.