ಫ್ಯಾಕ್ಟ್ಚೆಕ್: ರಿಷಿ ಸುನಕ್ ಅರೆ ಬೆತ್ತಲಾಗಿ ನೃತ್ಯ ಮಾಡುತ್ತಿರುವುದು ನಿಜವೇ?
ಬ್ರಿಟನ್ನಲ್ಲಿ ನಡೆದ ದಿಢೀರ್ ರಾಜಕೀಯ ಬೆಳವಣಿಗೆಯಿಂದಾಗಿ ಪ್ರಧಾನ ಮಂತ್ರಿ ಸ್ಥಾನದಿಂದ ನಿರ್ಗಮಿಸಿದ ಲಿಜ್ ಟ್ರಸ್ ಅವರ ಜಾಗಕ್ಕೆ ರಿಷಿ ಸುನಕ್ ಬ್ರಿಟನ್ನ ಪ್ರಧಾನ ಮಂತ್ರಿ ಸ್ಥಾನವನ್ನು ಅಲಂಕರಿಸಿದ್ದಾರೆ. ಪ್ರಧಾನಿ ಹುದ್ದೆಗೆ ರಿಷಿ ಸುನಕ್ ನೇಮಕಗೊಂಡ ಬೆನ್ನಲ್ಲೆ ಅನೇಕ ವೀಡಿಯೊಗಳು ಮತ್ತು ಚಿತ್ರಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ.
https://twitter.com/Nixachar/status/1585101822083371010?ref_src=twsrc%5Etfw%7Ctwcamp%5Etweetembed%7Ctwterm%5E1585101822083371010%7Ctwgr%5E906d46cd8dbdd4b84bef1bf071cff3665e862959%7Ctwcon%5Es1_&ref_url=https%3A%2F%2Fthelogicalindian.com%2Ffact-check%2Frishi-sunaks-doppelganger-dance-goes-viral-with-false-claim-38289
ಸದ್ಯ ಸಾಮಾಜಿಕ ಮಾಧ್ಯಮದಲ್ಲಿ ವಿಡಿಯೋವೊಂದು ವೈರಲ್ ಆಗುತ್ತಿದ್ದು, ವೈರಲ್ ವೀಡಿಯೊದಲ್ಲಿ, ವ್ಯಕ್ತಿಯೊಬ್ಬರು ಬೀಚ್ನಲ್ಲಿ ನೃತ್ಯ ಮತ್ತು ಪಾರ್ಟಿ ಮಾಡುವುದನ್ನು ಕಾಣಬಹುದು. ಈ ವೀಡಿಯೊದಲ್ಲಿರುವ ವ್ಯಕ್ತಿಯನ್ನು ರಿಷಿ ಸುನಕ್ ಎಂದು ಹೇಳಿಕೊಂಡು ಟ್ವಿಟ್ಟರ್ ಬಳಕೆದಾರರು ಈ ವೀಡಿಯೊವನ್ನು ಹಂಚಿಕೊಂಡಿದ್ದು ಅದರ ಶೀರ್ಷಿಕೆ ಈಗಿದೆ. “ಯುಕೆ ಹೊಸ ಪಿಎಂ @ ರಿಷಿಸುನಕ್ ಹಳೆಯ ವೀಡಿಯೊದಲ್ಲಿ ಟ್ಯೂನ್ಗಳಿಗೆ ನೃತ್ಯ ಮಾಡುತ್ತಿದ್ದಾರೆ, ಯುಕೆ ಭವಿಷ್ಯವು ಈಗ ಸುರಕ್ಷಿತರ ಕೈಯಲ್ಲಿದೆ ಎಂದು ತೋರುತ್ತದೆ” ಎಂದು ಬರೆದಿದ್ದಾರೆ.
Kattar Hindu PM 🔥 Rishi Sunak 🚩 pic.twitter.com/obXxX1zOIP
— Akshit (@CaptainGzb) October 24, 2022
ಇನ್ನೊಬ್ಬ ಬಳಕೆದಾರರು “ಕಟ್ಟರ್ ಹಿಂದೂ ಪಿಎಂ ರಿಷಿ ಸುನಕ್” ಎಂದು ಬರೆದಿದ್ದಾರೆ.
In case anyone were curious about what chaddi the new British PM wears… pic.twitter.com/Hp5VkR59O5
— Amit Schandillia (@Schandillia) October 24, 2022
ಸದ್ಯ ಈ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದ್ದು, ಏನ್ ಸುದ್ದಿ.ಕಾಂನ ವಾಟ್ಸಾಪ್ ನಂಬರ್ ವಿರಿಯೋವನ್ನು ಹಂಚಿಕೊಳ್ಳುವ ಮೂಲಕ ವಿಡಿಯೋದಲ್ಲಿರುವ ವ್ಯಕ್ತಿ ರಿಷಿ ಸುನಕ್ ಹೌದೆ? ಎಂದು ಪರಿಶೀಲಿಸುವಂತೆ ಸಂದೇಶಗಳ ಮೂಲಕ ವಿನಂತಿಸಿದ್ದಾರೆ.
ಫ್ಯಾಕ್ಟ್ಚೆಕ್:
ವೈರಲ್ ವೀಡಿಯೊವನ್ನು ಗೂಗಲ್ ರಿವರ್ಸ್ ಇಮೇಜ್ ನಲ್ಲಿ ಸರ್ಚ್ ಮಾಡಿದಾಗ, 24 ಜನವರಿ 2022 ರ ಡೈಲಿ ಮೇಲ್ ಮಾಡಿರುವ ವರದಿಯೊಂದು ಲಭ್ಯವಾಯಿತು. ವರದಿಯಲ್ಲಿಯೂ ವೈರಲ್ ವಿಡಿಯೋದ ರೀತಿಯಲ್ಲೆ ಇರುವ ತುಣುಕನ್ನು ಕಾಣಬಹುದು.
“ಬೋರಿಸ್ನಿಂದ ವಜಾಗೊಂಡಾಗ ರಿಷಿ ತನ್ನ ಅತ್ಯುತ್ತಮ ಜೀವನವನ್ನು ನಡೆಸುತ್ತಿರುವ ರೇವಿಂಗ್” ಎಂಬ ಶೀರ್ಷಿಕೆಯೊಂದಿಗೆ ವರದಿಯನ್ನು ಪ್ರಕಟವಾಗಿದೆ. ಅದರ ಪ್ರಕಾರ, ಐಬಿಜಾ ಕ್ಲಬ್ನ ಮಾಲೀಕ ವೇಯ್ನ್ ಲೈನ್ಕರ್, ಬ್ರಿಟನ್ ಪ್ರಧಾನಿ ರಿಷಿ ಸುನಕ್ನಂತೆಯೇ ಕಾಣುವ ವ್ಯಕ್ತಿಯ ನೃತ್ಯದ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾರೆ. ಇಬಿಜಾ ಐಬೇರಿಯನ್ ಪೆನಿನ್ಸುಲಾದ ಪೂರ್ವ ಕರಾವಳಿಯ ಮೆಡಿಟರೇನಿಯನ್ ಸಮುದ್ರದಲ್ಲಿರುವ ಸ್ಪ್ಯಾನಿಷ್ ದ್ವೀಪವಾಗಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಡೈಲಿ ಮೇಲ್ನ ವರದಿಯಲ್ಲಿರುವ ಅಂಶಗಳನ್ನು ಆಧಾರವಾಗಿ ತೆಗೆದುಕೊಂಡು ಮತ್ತಷ್ಟು ಸರ್ಚ್ ಮಾಡಿದಾಗ, 21 ಜನವರಿ 2022 ರಂದು ವೇಯ್ನ್ ಲೈನೆಕರ್ ಅವರ Instagram ಖಾತೆಯಲ್ಲಿ ವೈರಲ್ ವೀಡಿಯೊವನ್ನು ಕಂಡುಕೊಂಡಿದ್ದೇವೆ.
ಇನ್ಸ್ಟಾಗ್ರಾಮ್ ವೀಡಿಯೊದ ಶೀರ್ಷಿಕೆಯಲ್ಲಿ, “ಇದೊಂದು ವಿಮಾನದಲ್ಲಿನ ಪಾರ್ಟಿ ಎಂದು ಕರೆಯಲಾಗಿದೆ. ಇದೀಗ ಇವರಿಗೆ ಅಕ್ಷರಶಃ ಹುಚ್ಚು ಹಿಡಿದಿದೆ. ಜನರು ಈಗಾಗಲೇ ibiza ವಿಮಾನಗಳನ್ನು ಬುಕ್ ಮಾಡುತ್ತಿದ್ದಾರೆ” ಎಂದು ಬರೆದಿದ್ದಾರೆ.
View this post on Instagram
ಅವರು ಜುಲೈ 2019 ರಲ್ಲೂ ಅದೇ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಆದರೆ, ಪಾರ್ಟಿಯ ಸಮಯದಲ್ಲಿ ರಿಷಿ ಸುನಕ್ ಉಪಸ್ಥಿತಿಯನ್ನು ಅವರು ಉಲ್ಲೇಖಿಸಲಿಲ್ಲ. ABC ಇಂಟರ್ನ್ಯಾಶನಲ್, ಡಯಾರಿಯೊ ಡಿ ಐಬಿಜಾದಂತಹ ಅನೇಕ ಸ್ಪ್ಯಾನಿಷ್ ವೆಬ್ಸೈಟ್ಗಳು ಈ ವೀಡಿಯೊವನ್ನು ವರದಿ ಮಾಡಿ ವೈರಲ್ ವೀಡಿಯೊದಲ್ಲಿರುವ ವ್ಯಕ್ತಿ ರಿಷಿ ಸುನಕ್ನಂತೆಯೇ ಇದ್ದಾರೆ ಎಂದು ಉಲ್ಲೇಖಿಸಿದೆ.
10 ಜುಲೈ 2019 ರ ದಿನಾಂಕದ ರಿಷಿ ಸುನಕ್ ಅವರು ಫೇಸ್ಬುಕ್ ಪ್ರೊಫೈಲ್ನಲ್ಲಿ ಮಾಡಿರುವ ನಾವು ಪೋಸ್ಟ್ ಅನ್ನು ಕಂಡುಕೊಂಡಿದ್ದೇವೆ, ಅದರಲ್ಲಿ ರಿಷಿ ಸುನಕ್ ಅವರನ್ನು ವೆಸ್ಟ್ಮಿನಿಸ್ಟರ್ನ ಇ ಪ್ರೈಮರಿ ಶಾಲೆಯ ಮಕ್ಕಳೊಂದಿಗೆ ಬೈನ್ಬ್ರಿಡ್ಜ್ ಸಿ ನಲ್ಲಿ ಕಾಣಬಹುದು. ರಿಷಿ ಸುನಕ್ ಜುಲೈನಲ್ಲಿ ಇಂಗ್ಲೆಂಡ್ನಲ್ಲಿದ್ದರು ಎಂದು ಅದು ಸೂಚಿಸುತ್ತದೆ, ಆದರೆ ವೈರಲ್ ವೀಡಿಯೊ ಸ್ಪೇನ್ನ ಕ್ಲಬ್ನಿಂದ ಬಂದಿದೆ.
ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ವೀಡಿಯೊದಲ್ಲಿರುವ ವ್ಯಕ್ತಿಯನ್ನು ಗುರುತಿಸಲು ನಮಗೆ ಸ್ವತಂತ್ರವಾಗಿ ಸಾಧ್ಯವಾಗದಿದ್ದರೂ, ವೈರಲ್ ವೀಡಿಯೊ 2019 ರಿಂದ ಇಂಟರ್ನೆಟ್ನಲ್ಲಿ ಲಭ್ಯವಿದೆ ಮತ್ತು ವೀಡಿಯೊದಲ್ಲಿರುವ ವ್ಯಕ್ತಿ ರಿಷಿ ಸುನಕ್ ಅಲ್ಲ. ಆದರೆ ಆ ವ್ಯಕ್ತಿ ರಿಷಿ ಅವರ ಹೋಲಿಕೆಯನ್ನು ಹೊಂದಿದ್ದಾನೆ. ಆದರೆ ಈ ವ್ಯಕ್ತಿ ರಿಷಿ ಸುನಕ್ ಅಲ್ಲ ಎಂದು ದಿ ಲಾಜಿಕಲ್ ಇಂಡಿಯನ್ ವರದಿ ಮಾಡಿದ್ದು, ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿರುವ ಫೋಟೊ ರಿಷಿ ಸನಕ್ ಅಲ್ಲ ಎಂದು ಸ್ಪಷ್ಟವಾಗಿದೆ. ಹಾಗಾಗಿ ಪೋಸ್ಟ್ನಲ್ಲಿ ಮಾಡಲಾದ ಪ್ರತಿಪಾದನೆ ತಪ್ಪಾಗಿದೆ.
ಕೃಪೆ: ದಿ ಲಾಜಿಕಲ್ ಇಂಡಿಯನ್
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ: ಫ್ಯಾಕ್ಟ್ಚೆಕ್: ರಿಷಿ ಸುನಕ್ ಹಳೆಯ ವಿಡಿಯೋವನ್ನು ತಪ್ಪಾಗಿ ಹಂಚಿಕೊಂಡ ಇಂಡಿಯಾ ಟುಡೇ