ಫ್ಯಾಕ್ಟ್‌ಚೆಕ್ : ಈ ಫೋಟೊದಲ್ಲಿರುವ ಮಹಿಳೆ ಮೋದಿ ಪತ್ನಿ ಜಶೋದಾಬೆನ್ ಅಲ್ಲ! ಮತ್ತ್ಯಾರು?
ನರೇಂದ್ರ ಮೋದಿ ಅವರು ಮಹಿಳೆಯೊಂದಿಗಿರುವ ಚಿತ್ರವೊಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಫೋಟೊದಲ್ಲಿರುವುದು ಮೋದಿ ಪತ್ನಿ ಜಶೋದಾಬೆನ್ ಎಂದು ಪ್ರತಿಪಾದಿಸಿ ಪೋಸ್ಟ್‌ಅನ್ನು ಹಂಚಿಕೊಳ್ಳಲಾಗಿದೆ. ಈ ಚಿತ್ರದಲ್ಲಿ ನರೇಂದ್ರ ಮೋದಿ ತುಂಬ ಸಂತೋಷದಿಂದ ನಗುನಗುತ್ತಲೆ ಮದುವೆಯಾಗಿದ್ದಾರೆ, ಒಂದು ವೇಳೆ ಇವರನ್ನು ಬಲವಂತದಿಂದ ಮದುವೆ ಮಾಡಿದ್ದರೆ ಮುಖದಲ್ಲಿ ನಗು ಇರುತ್ತಿತ್ತೆ?
ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿರುವ ಫೋಟೊ ಮೋದಿ ಮತ್ತು ಜಶೋದಾಬೆನ್ ಅವರದ್ದೆ ಎಂದು ವೈರಲ್ ಪೋಸ್ಟ್‌ನಲ್ಲಿ ಮಾಡಲಾದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್‌ಚೆಕ್ :
ಸಾಮಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿರುವ ಪೋಸ್ಟ್‌ನಲ್ಲಿ ಮಾಡಲಾದ ಪ್ರತಿಪಾದನೆಯನ್ನು ಪರಿಶೀಲಿಸಲು ಗೂಗಲ್ ಸರ್ಚ್ ಮಾಡಿದಾಗ, ಫೋಟೋದಲ್ಲಿರುವ ಮಹಿಳೆ ಮೋದಿ ಅವರ ಪತ್ನಿ ಜಶೋದಾಬೆನ್ ಅಲ್ಲ ಎಂಬ ಮಾಹಿತಿ ಲಭ್ಯವಾಗಿದೆ. ಫೋಟೋದಲ್ಲಿರುವ ಯುವತಿ ಗುಜರಾತ್‌ನ ಮಾಜಿ ಶಿಕ್ಷಣ ಸಚಿವ ಹೇಮಂತ್ ಚಪತ್ವಾಲಾ ಅವರ ಮಗಳು ಆಲ್ಫಾ ಎಂದು ತಿಳಿದುಬಂದಿದೆ. ಮೋದಿ, ಹೇಮಂತ್ ಚಪತ್ವಾಲಾ ಅವರ ಮಗಳ ಮದುವೆಯಲ್ಲಿ ಭಾಗವಹಿಸಿದಾಗ ತೆಗೆದ ಚಿತ್ರ ಎಂದು ಸ್ಪಷ್ಟವಾಗಿದೆ.
ಇದಲ್ಲದೆ, ಹೇಮಂತ್ ಚಪತ್ವಾಲಾ ಅವರ ಮಗ, ಕೇಯೂರ್ ಹೇಮಂತ್ ಚಪತ್ವಾಲಾ ಅವರು 14, ಏಪ್ರಿಲ್ 2014 ರಂದು ಫೇಸ್‌ಬುಕ್‌ಗೆ ಕರೆದೊಯ್ದರು, ಈ ಫೋಟೋವನ್ನು 1994 ರಲ್ಲಿ ಅವರ ಸಹೋದರಿ ಅಲ್ಪಾ ಅವರ ಮದುವೆಯ ಸಮಯದಲ್ಲಿ ಸೆರೆಹಿಡಿಯಲಾಗಿದೆ ಮತ್ತು ಫೋಟೋದಲ್ಲಿರುವ ಮಹಿಳೆ ಅವರ ಸಹೋದರಿ ಎಂದು ಉಲ್ಲೇಖಿಸಿದ್ದಾರೆ. ಮೋದಿ ತಮ್ಮ ಸಹೋದರಿಯ ಮದುವೆಯಲ್ಲಿ ಪಾಲ್ಗೊಂಡಿದ್ದು, ಈ ಸಂದರ್ಭದಲ್ಲಿ ತೆಗೆದ ಫೋಟೋ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಒಟ್ಟಾರೆಯಾಗಿ ಹೇಳುವುದಾದರೆ, ಗುಜರಾತ್‌ನ ಮಾಜಿ ಶಿಕ್ಷಣ ಸಚಿವ ಹೇಮಂತ್ ಚಪತ್ವಾಲಾ ಅವರ ಮಗಳ ಮದುವೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ 1994 ರಲ್ಲಿ ಅಂದರೆ ಅವರು ಗುಜರಾತ್‌ನ ಮುಖ್ಯಮಂತ್ರಿಯಾಗಿದ್ದ ಸಂದರ್ಭದಲ್ಲಿ ಪಾಲ್ಗೊಂಡಾಗ ತೆಗೆದ ಚಿತ್ರ. ಹಾಗಾಗಿ ಈ ಫೋಟೊ ನರೇಂದ್ರ ಮೋದಿಯ ಮದುವೆಯಲ್ಲಿ ಜಶೋದಾಬೆನ್‌ನೊಂದಿಗೆ ಇರುವ ಫೋಟೊ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ. ಇದು ನರೇಂದ್ರ ಮೋದಿಯ ಮದುವೆಯೂ ಅಲ್ಲ ಮತ್ತು ಅಲ್ಲಿರುವ ಯುವತಿ ಜಶೋದಾಬೆನ್ ಅಲ್ಲ. ಹಾಗಾಗಿ ಪೋಸ್ಟ್‌ನಲ್ಲಿ ಮಾಡಲಾದ ಪ್ರತಿಪಾದನೆ ತಪ್ಪಾಗಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : ಫ್ಯಾಕ್ಟ್‌ಚೆಕ್ : ಇಟಲಿ ಪ್ರಧಾನಿ ಮೋದಿಯವರನ್ನು ಅವಮಾನಿಸಿದರೇ?
