ಫ್ಯಾಕ್ಟ್ಚೆಕ್ : ವಿಮಾನದಿಂದ ಸರೆಯಾದ ಚಂದ್ರಯಾನ 3 ರ ದೃಶ್ಯಗಳು ಎಂದು ಹಳೆಯ ವಿಡಿಯೋ ಹಂಚಿಕೆ
ಜುಲೈ 14ರ ಮಧ್ಯಾಹ್ನ 2:35ಕ್ಕೆ ಶ್ರೀಹರಿಕೋಟದ ಸತೀಶ್ ಧವನ್ ಉಡ್ಡಯನ ಕೇಂದ್ರದಿಂದ ಭಾರತದ ‘ಚಂದ್ರಯಾನ-3’ ರಾಕೆಟ್ ಲಾಂಚ್ ಆಗಿತ್ತು. ಹೀಗೆ ಲಾಂಚ್ ಆದ 2 ದಿನಗಳಲ್ಲಿ ಬರೋಬ್ಬರಿ 45 ಸಾವಿರ ಕಿಲೋ ಮೀಟರ್ ದೂರ ಕ್ರಮಿಸಿದೆ ಚಂದ್ರಯಾನ-3 ಬಾಹ್ಯಾಕಾಶ ನೌಕೆ. ಅಲ್ಲದೆ ನೌಕೆ ಆರೋಗ್ಯ ಚೆನ್ನಾಗಿದ್ದು, ಚಂದ್ರನ ಮೊದಲ ಕಕ್ಷೆಗೂ ಯಶಸ್ವಿಯಾಗಿ ಎಂಟ್ರಿ ಕೊಟ್ಟಿದೆ ಎಂದು ಇಸ್ರೋ ಮಾಹಿತಿ ನೀಡಿದೆ.
ಇದೇ ಸಂದರ್ಭದಲ್ಲಿ ಸಾಮಾಜಿಕ ಮಾಧ್ಯಮಗಳಲ್ಲಿ ಪೋಸ್ಟ್ವೊಂದು ವೈರಲ್ ಆಗುತ್ತಿದ್ದು, ಚಂದ್ರಯಾನ 3 ಬಾಹ್ಯಾಕಾಶಕ್ಕೆ ಹಾರುವಾಗ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದ ಪ್ರಯಾಣಿಕರೊಬ್ಬರು ರಾಕೇಟ್ ಹಾರುತ್ತಿರುವ ದೃಶ್ಯಗಳನ್ನು ಸೆರೆ ಹಿಡಿದಿದ್ದಾರೆ ಎಂದು ವಿಡಿಯೋ ಪೋಸ್ಟ್ಅನು ಹಂಚಿಕೊಳ್ಳಲಾಗುತ್ತಿದೆ.
View this post on Instagram
ಚಂದ್ರಯಾನ-3 ರ ಉಡಾವಣೆಯನ್ನು ಪ್ರದರ್ಶಿಸುವ ದೃಶ್ಯಗಳು, ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದ ಪ್ರಯಾಣಿಕರೊಬ್ಬರು ರಾಕೆಟ್ ಆರುವ ದೃಶ್ಯಗಳನ್ನು ಸೆರೆಹಿಡಿದಿದ್ದಾರೆ ಎಂದು ಇನ್ಸ್ಟಾಗ್ರಾಮ್ ಮೂಲಕ ಪೋಸ್ಟ್ಅನ್ನು ಹಂಚಿಕೊಂಡಿದ್ದಾರೆ. ಹಾಗಿದ್ದರೆ ಈ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ನಿಜವೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್ಚೆಕ್ :
ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾದ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆಯನ್ನು ಪರಿಶೀಲಿಸಲು ಗೂಗಲ್ ರಿವರ್ಸ್ ಇಮೇಜಸ್ನಲ್ಲಿ ಸರ್ಚ್ ಮಾಡಿದಾಗ, 14 ಜುಲೈ 2023 ರಂದು ಇಸ್ರೋ ಚಂದ್ರಯಾನ-3 ಅನ್ನು ಇತ್ತೀಚೆಗೆ ಉಡಾವಣೆ ಮಾಡಿದ ನಂತರ, ಟ್ವಿಟರ್ ಬಳಕೆದಾರರು ವಿಮಾನದಲ್ಲಿ ಪ್ರಯಾಣಿಸುವಾಗ ಚಿತ್ರೀಕರಿಸಿದ ಚಂದ್ರಯಾನ-3 ಉಡಾವಣೆ ಎಂದು ಹೇಳುವ ನಿಜವಾದ ದೃಶ್ಯಗಳು ಲಭ್ಯವಾಗಿವೆ.
A ticket to the moon, quite literally. Mr. Ponraj beautifully captured the exclusive view of the Chandrayaan 3 during our #Chennai to #Dhaka flight. #goIndiGo #Chandrayaan3 #Chandrayaan3Launch #Chandrayaan3Mission @aponraj1 @isro pic.twitter.com/ciJOKJ9feo
— IndiGo (@IndiGo6E) July 16, 2023
ಇಂಡಿಗೋ ಏರ್ಲೈನ್ಸ್ ಚಂದ್ರಯಾನ ಉಡಾವಣೆಯ ದೃಶ್ಯಗಳನ್ನು ಬಿಡುಗಡೆ ಮಾಡಿತು, ಚೆನ್ನೈನಿಂದ ಢಾಕಾಗೆ ವಿಮಾನಯಾನ ಮಾಡುವ ಸಮಯದಲ್ಲಿ ಶ್ರೀ ಪೊನ್ರಾಜ್ ಎಂಬ ಪ್ರಯಾಣಿಕರೊಬ್ಬರು ಸೆರೆಹಿಡಿದಿದ್ದಾರೆ. ಈ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಪ್ರಸಾರವಾಗಿವೆ. ವಿವಿಧ ಸುದ್ದಿ ಸಂಸ್ಥೆಗಳು ಈ ಬಗ್ಗೆ ವರದಿ ಮಾಡಿವೆ.
ವಿಡಿಯೋ-1
ಉಳಿದಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿರುವ ಎರಡು ವಿಡಿಯೋ ಚಂದ್ರಯಾನ 3 ಕ್ಕೆ ಸಂಬಂಧಿಸಿಲ್ಲ, ಅವುಗಳಲ್ಲಿ ಒಂದು ವಿಡಿಯೋ ನವೆಂಬರ್ 2022 ರಲ್ಲಿ Intelsat ನ Galaxy 31 ಮತ್ತು Galaxy 32 ಉಪಗ್ರಹಗಳನ್ನು ಹೊತ್ತೊಯ್ಯುವ Space X Falcon 9 ಅನ್ನು ಕೇಪ್ ಕ್ಯಾನವೆರಲ್ ಮೂಲಕ ಉಡಾವಣೆ ಮಾಡುವ ದೃಶ್ಯಗಳು ಎಂದು ವರದಿಯಾಗಿದೆ.
ವಿಡಿಯೋ-2
ಮೇ 2021 ರಲ್ಲಿ ಕೇಪ್ ಕ್ಯಾನವೆರಲ್ನಿಂದ ಅಟ್ಲಾಸ್ ರಾಕೆಟ್ನ ಉಡಾವಣೆಯ ದೃಶ್ಯಗಳನ್ನು ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದ ಕೆಲವು ಪ್ರಯಾಣಿಕರು ಚಿತ್ರೀಕರಿಸಿದ್ದಾರೆ.
ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾದ 2 ಬೇರೆ ಬೇರ ವಿಡಿಯೋವನ್ನು ಪರಿಶೀಲಿಸಿದಾಗ, ಚಂದ್ರಯಾನ 3 ರಾಕೇಟ್ಗೆ ಸಂಬಂಧಿಸಿಲ್ಲ ಎಂದು ಸ್ಪಷ್ಟವಾಗಿದೆ.
ಒಟ್ಟಾರೆಯಾಗಿ ಹೇಳುವುದಾದರೆ, ಚಂದ್ರಯಾನ 3ರ ದೃಶ್ಯಗಳು ಎಂದು ಸಂಬಂಧವಿಲ್ಲದ ಮತ್ತು ಬೇರೆ ಬೇರೆ ಸಂದರ್ಭದ ದೃಶ್ಯಗಳನ್ನು ತಪ್ಪಾಗಿ ಹಂಚಿಕೊಂಡಿದ್ದಾರೆ. ಹಾಗಾಗಿ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು: ಫ್ಯಾಕ್ಟ್ಚೆಕ್ : ಪ್ರಾನ್ಸ್ನಲ್ಲಿ ಜಿಹಾದಿಗಳಿಂದ ದಾಳಿ ಎಂದು ಸಿನಿಮಾ ದೃಶ್ಯಗಳ ಹಂಚಿಕೆ