ಫ್ಯಾಕ್ಟ್‌ಚೆಕ್ : ದುರಾದೃಷ್ಟವಶಾತ್‌ ‘ನಾನು ಹಿಂದೂ’ ಎಂದು ನೆಹರೂ ಹೇಳಿದ್ದರೆ?
‘ಶೈಕ್ಷಣಿಕವಾಗಿ ನಾನು ಮುಸ್ಲಿಂ, ಸಾಂಸ್ಕೃತಿಕವಾಗಿ ನಾನು ಕ್ರಿಶ್ಚಿಯನ್‌, ದುರಾದೃಷ್ಟವಶಾತ್‌ ನಾನು ಹಿಂದೂ’ ಎಂದೂ ಜವಾಹರಲಾಲ್ ನೆಹರೂ ಅವರು ಹೇಳಿದ್ದಾರೆ ಎಂದು ಪ್ರತಿಪಾದಿಸಿರುವ ಪೋಸ್ಟ್‌ವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಇದರೊಂದಿಗೆ, ‘ಶೈಕ್ಷಣಿಕವಾಗಿ ನಾನು ಕ್ರಿಶ್ಚಿಯನ್‌, ಸಾಂಸ್ಕೃತಿವಾಗಿ ನಾನು ಮುಸ್ಲಿಂ, ಹುಟ್ಟಿನ ಒಂದೇ ಕಾರಣಕ್ಕೆ ನಾನು ಹಿಂದೂ’ ಎಂದು ನೆಹರೂ ಹೇಳಿದ್ದಾರೆ ಎಂಬ ಹೇಳಿಕೆಯೊಂದಿಗೆ ಹಂಚಿಕೊಳ್ಳಲಾಗುತ್ತಿದೆ. ಹಾಗಿದ್ದರೆ ಈ ಹೇಳಿಕೆಯನ್ನು ಜವಾಹರ್‌ಲಾಲ್ ನೆಹರೂ ಹೇಳಿರುವುದು ನಿಜವೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್‌ಚೆಕ್ :
ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರವಾಗುತ್ತಿರುವ ಪೋಸ್ಟ್‌ಅನ್ನು ಪರಿಶೀಲಿಸಲು ಗೂಗಲ್ ರಿವರ್ಸ್ ಇಮೇಜಸ್‌ನಲ್ಲಿ ಸರ್ಚ್ ಮಾಡಿದಾಗ, ಈ ಹೇಳಿಕೆ ಇರುವಂತಹ ಪೋಸ್ಟ್‌ಅನ್ನು BJP ಬೆಂಬಲಿತ ಸದಸ್ಯರು 2015ರಿಂದಲೆ ಹಂಚಿಕೊಂಡಿರುವುದು ಕಂಡುಬಂದಿದೆ.
‘ನೆಹರೂ ಅವರು ತಮ್ಮ ಆತ್ಮಕಥೆಯಲ್ಲಿ ತಮ್ಮನ್ನು ತಾವು ಈ ರೀತಿ ಚಿತ್ರಿಸಿಕೊಂಡಿದ್ದಾರೆ. ನಾನು ಇಂಗ್ಲಿಷ್‌ ಶಿಕ್ಷಣ ಪಡೆದವನು, ನಿಲುವುಗಳಲ್ಲಿ ಅಂತರರಾಷ್ಟ್ರೀಯವಾದಿ, ಸಂಸ್ಕೃತಿಯಲ್ಲಿ ಮುಸಲ್ಮಾನ, ಹುಟ್ಟಿನ ಒಂದೇ ಕಾರಣಕ್ಕೆ ನಾನು ಹಿಂದೂ’ ಎಂದು ನೆಹರೂ ಅವರೇ ತಮ್ಮ ಬಗ್ಗೆ ತಮ್ಮ ಆತ್ಮಕಥೆಯಲ್ಲಿ ಹೇಳಿಕೊಂಡಿದ್ದಾರೆ’ ಎಂದು ಹಿಂದೂ ಮಹಾಸಭಾದ ನಾಯಕ ಎನ್.ಬಿ. ಖರೆ ಅವರು ‘ದಿ ಆ್ಯಂಗ್ರಿ ಅರಿಸ್ಟೋಕ್ರಾಟ್‌’ 1959ರಲ್ಲಿ ಬರೆದಿರುವ ತಮ್ಮ ಲೇಖನದಲ್ಲಿ ಬರೆದುಕೊಂಡಿದ್ದರು.
‘ಡೆಕ್ಕನ್ ಕ್ರಾನಿಕಲ್’ ಪತ್ರಿಕೆಯೂ ಕೂಡ ಎನ್.ಬಿ. ಖರೆ ಮಾಡಿದ ಆರೋಪವನ್ನೆ ತಮ್ಮ ಪತ್ರಿಕೆಯಲ್ಲಿ ಪ್ರಕಟಿಸಿತು. ಕಾಂಗ್ರೆಸ್ ನಾಯಕ ಗೌರವ್ ಪಾಂಡಿ ಅವರು 24 ನವೆಂಬರ್ 2018 ರಂದು ‘ಡೆಕ್ಕನ್ ಕ್ರಾನಿಕಲ್’ ಪತ್ರಿಕೆಯ ಅದೇ ಫೋಟೋಗೆ ಸಂಬಂಧಿಸಿದಂತೆ ಟ್ವೀಟ್ ಮಾಡಿದ್ದಾರೆ. ತಮ್ಮ ಟ್ವೀಟ್‌ನಲ್ಲಿ, ಅವರು ಕ್ಷಮೆಯಾಚಿಸುವಂತೆ ‘ಡೆಕ್ಕನ್ ಕ್ರಾನಿಕಲ್’ಗೆ ಕೇಳಿದ್ದಾರೆ.
ನೆಹರೂ ಅವರ ಉಲ್ಲೇಖವನ್ನು ತಪ್ಪಾಗಿ ಆರೋಪಿಸಿದ್ದಕ್ಕಾಗಿ. 25 ನವೆಂಬರ್ 2018 ರಂದು, ಅವರು ಉಲ್ಲೇಖಕ್ಕೆ ಸಂಬಂಧಿಸಿದಂತೆ ‘ಡೆಕ್ಕನ್ ಕ್ರಾನಿಕಲ್’ ಪ್ರಕಟಿಸಿದ ‘ತಿದ್ದುಪಡಿ’ಯ ಫೋಟೋಗಳನ್ನು ಟ್ವೀಟ್ ಮಾಡಿದ್ದಾರೆ. ತಿದ್ದುಪಡಿಯಲ್ಲಿ, ‘ಡೆಕ್ಕನ್ ಕ್ರಾನಿಕಲ್’ ಉಲ್ಲೇಖಿಸಿದೆ – ‘ನ.19 ರಂದು ಪ್ರಕಟವಾದ ‘360’ ಪುಟದಲ್ಲಿ ಜವಾಹರಲಾಲ್ ನೆಹರೂ ಅವರ ಉಲ್ಲೇಖವನ್ನು ತಪ್ಪಾಗಿ ಉಲ್ಲೇಖಿಸಲಾಗಿದೆ. ಇದು ಹಿಂದೂ ಮಹಾಸಭಾ ನಾಯಕ ಎನ್.ಬಿ. 1959 ರಲ್ಲಿ ಖರೆ. ತಪ್ಪಿಗೆ ನಾವು ತೀವ್ರವಾಗಿ ವಿಷಾದಿಸುತ್ತೇವೆ ಎಂದು ಪ್ರಕಟಿಸಿದೆ.
ಅಲ್ಲದೆ, ಕಾಂಗ್ರೆಸ್ ಮುಖಂಡರಾದ ಶಶಿ ತರೂರ್ ಅವರು ತಮ್ಮ ‘ನೆಹರು: ದಿ ಇನ್ವೆನ್ಶನ್ ಆಫ್ ಇಂಡಿಯಾ’ ಪುಸ್ತಕದಲ್ಲಿ ಉಲ್ಲೇಖವನ್ನು ಉಲ್ಲೇಖಿಸಿದ್ದಾರೆ ಮತ್ತು ನೆಹರು ಅವರನ್ನು ಅವಮಾನಿಸಲು ಎನ್ ಬಿ ಖರೆ ಅವರು ಸುಳ್ಳು ಆರೋಪಗಳನ್ನು ಮಾಡಿದ್ದಾರೆ, ಆದರೆ ವಾಸ್ತವವಾಗಿ ಇದು ಗೌರವವಾಗಿದೆ ಎಂದು ಬರೆದುಕೊಂಡಿದ್ದಾರೆ.
ಒಟ್ಟಾರೆಯಾಗಿ ಹೇಳುವುದಾದರೆ, ಹಿಂದೂ ಮಹಾಸಭಾದ ನಾಯಕ ಎನ್.ಬಿ. ಖರೆ ಅವರು ‘ದಿ ಆ್ಯಂಗ್ರಿ ಅರಿಸ್ಟೋಕ್ರಾಟ್‌’ 1959ರಲ್ಲಿ ಬರೆದಿರುವ ತಮ್ಮ ಲೇಖನದಲ್ಲಿ ಈ ಆರೋಪವನ್ನು ಮಾಡಿದ್ದಾರೆ. ಆದರೆ ವಾಸ್ತವಾಗಿ ನೆಹರೂ ಎಲ್ಲಿಯೂ ಹೀಗೆ ಹೇಳಿಕೊಂಡಿಲ್ಲ. ಹಾಗಾಗಿ ಪೋಸ್ಟ್‌ನಲ್ಲಿ ಮಾಡಿರುವ ಆರೋಪ ಸುಳ್ಳು.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : ಫ್ಯಾಕ್ಟ್‌ಚೆಕ್ : ಕೇರಳದಲ್ಲಿ ಹಿಂದೂ ಜನಸಂಖ್ಯೆ ಕಡಿಮೆ ಇರುವುದರಿಂದ ದೀಪಾವಳಿಯನ್ನು ಆಚರಿಸಲ್ವಂತೆ
