FACT CHECK | ನೋಡ ನೋಡುತ್ತಿದ್ದಂತೆ ಮನೆಯೊಂದು ನೀರಿನಲ್ಲಿ ಮುಳುಗುವ ದೃಶ್ಯ ಕೇರಳದಲ್ಲ! ಮತ್ತೆಲ್ಲಿಯದ್ದು?
30 ಜುಲೈ 2024 ರ ಮುಂಜಾನೆ, ಭಾರೀ ಮಳೆಯಿಂದ ಉಂಟಾದ ಭೂಕುಸಿದಿಂದಾಗಿ ಕೇರಳದ ಗುಡ್ಡಗಾಡು ಜಿಲ್ಲೆಯ ವಯನಾಡ್‌ನಲ್ಲಿ ಮೆಪ್ಪಾಡಿ, ಮುಂಡಕ್ಕಲ್ ಮತ್ತು ಚೂರಲ್ಮಲಾ ಪಟ್ಟಣಗಳು ಒಳಗೊಂಡಂತೆ ಹಲವು ಸ್ಥಳಗಳು ತತ್ತರಿಸಿ ಹೋಗಿವೆ. ಈ ಭೂಕುಸಿತದಿಂದಾಗಿ ಕನಿಷ್ಠ 150 ಜನರನ್ನು ಸಾವನ್ನಪ್ಪಿದ್ದಾರೆ, ಹಲವರು ಗಾಯಗೊಂಡು, ನೂರಾರು ಜನರು ಮಣ್ಣು ಮತ್ತು ಅವಶೇಷಗಳ ಅಡಿಯಲ್ಲಿ ಸಿಲುಕಿಕೊಂಡರು. ಇದರ ಮಧ್ಯ ಸಾಮಾಜಿಕ ಮಾಧ್ಯಮಗಳಲ್ಲಿ ಕೇರಳದ್ದು ಎನ್ನಲಾದ ವಿಡಿಯೋವೊಂದು ವೈರಲ್ ಆಗುತ್ತಿದೆ.
ಸಾಮಾಜಿಕ ಮಾಧ್ಯಮಗಳಲ್ಲಿ ವಿಡಿಯೋವೊಂದು ವೈರಲ್ ಆಗುತ್ತಿದ್ದು, ಮನೆಯೊಂದು ನೋಡ ನೋಡುತ್ತಿದಂತೆ ಮುಳುಗಿ ಹೋಗುವ ದೃಶ್ಯವು ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಈ ದೃಶ್ಯಗಳು ಕೇರಳದ ವಯನಾಡ್‌ನಲ್ಲಿ ಸಂಭವಿಸಿದ ವಿನಾಶಕಾರಿ ಭೂಕುಸಿತದ ದೃಶ್ಯಗಳು ಎಂದು ಪ್ರತಿಪಾದಿಸಿ ಪೋಸ್ಟ್‌ಅನ್ನು ಹಂಚಿಕೊಳ್ಳಲಾಗುತ್ತಿದೆ.
ಇದೇ ರೀತಿಯ ಹೇಳಿಕೆಯ ಪೋಸ್ಟ್‌ಗಳನ್ನು ಆರ್ಕೈವ್‌ ಮಾಡಿದ ಲಿಂಕ್‌ಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು. ಹಾಗಿದ್ದರೆ ಈ ಸಿಸಿಟಿವಿ ದೃಶ್ಯಾವಳಿಯು ನಿಜವಾಗಿಯೂ ಕೇರಳದ ವಯನಾಡಿಗೆ ಸಂಬಂಧಿಸಿದೆಯೇ ಎಂದು ಪರಿಶೀಲಿಸೋಣ.
ಫ್ಯಾಕ್ಟ್‌ ಚೆಕ್ :
ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾದ ಪೋಸ್ಟ್‌ನಲ್ಲಿ ಮಾಡಿದ ಪ್ರತಿಪಾದನೆಯನ್ನು ಪರಿಶೀಲಿಸಲು ಗೂಗಲ್ ರಿವರ್ಸ್ ಇಮೇಜಸ್‌ನಲ್ಲಿ ಸರ್ಚ್ ಮಾಡಿದಾಗ, 16 ಜೂನ್ 2024ರ ಹಿಂದಿನ ವಿಡಿಯೋ ಎಂಬ ಮಾಹಿತಿ ಲಭ್ಯವಾಗಿದೆ.
ಈ ವೀಡಿಯೊ 2024 ರ ಜುಲೈ 30 ರಂದು ಸಂಭವಿಸಿದ ವಯನಾಡ್ ಭೂಕುಸಿತಕ್ಕೆ ಮುಂಚಿನ ವಿಡಿಯೋ ಆಗಿದ್ದು, ಈ ವೀಡಿಯೊವನ್ನು 16 ಜೂನ್ 2024 ರಂದು ರೆಕಾರ್ಡ್ ಮಾಡಲಾಗಿದೆ ಮತ್ತು ಚೀನಾದ ಗುವಾಂಗ್ಡಾಂಗ್‌ನದ್ದಾಗಿದೆ.
25 ಜೂನ್ 2024 ರಂದು ‘ದಿ ಎಪೋಚ್ ಟೈಮ್ಸ್’ X (ಹಿಂದೆ ಟ್ವಿಟರ್) ನಲ್ಲಿ ಪೋಸ್ಟ್ ಮಾಡಿದ ಅದೇ ವಿಡಿಯೋ ಕ್ಲಿಪ್ ಲಭ್ಯವಾಗಿದೆ. ಈ ಪೋಸ್ಟ್ ಪ್ರಕಾರ, ವಿಡಿಯೋ ಚೀನಾದ ಪಿಂಗ್ಯುವಾನ್ ಕೌಂಟಿಯ ಹಳ್ಳಿಯೊಂದರಲ್ಲಿ ಉಂಟಾದ ಪ್ರವಾದ್ದು ಎಂದು ಉಲ್ಲೇಖಿಸಲಾಗಿದೆ.
ಪೋಸ್ಟ್‌ನ ಶೀರ್ಷಿಕೆಯು ಹೀಗಿದೆ: ‘ಜೂನ್ 16, 2024 ರಂದು, ಮೀಝೌ ನಗರದ ಪಿಂಗ್ಯುವಾನ್ ಕೌಂಟಿಯ ಹುವಾಂಗ್ಟಿಯನ್ ವಿಲೇಜ್‌ನಲ್ಲಿರುವ ಹುವಾಂಗ್ಟಿಯನ್ ಜಲಾಶಯದಿಂದ ನೀರು ಬಿಟ್ಟಾಗ ಸಂಭವಿಸಿದ ಪ್ರವಾಹ ಎಂದು ಹೇಳಲಾಗಿದೆ. ಪಿಂಗ್ಯುವಾನ್ ಕೌಂಟಿಯ ಝಾಂಗ್ಯಾನ್ ವಿಲೇಜ್‌ನಲ್ಲಿನ ಅಂಗಳವೊಂದು ಪ್ರವಾಹಕ್ಕೆ ಒಳಗಾದ ಪ್ರಕ್ರಿಯೆಯನ್ನು ಸಿಸಿ ಕ್ಯಾಮೆರಾಗಳು ಸೆರೆಹಿಡಿದಿವೆ, ಸ್ಥಳೀಯ ನೀರಿನ ಮಟ್ಟವು ಮೂರು ಗಂಟೆಗಳಲ್ಲಿ ಎರಡು ಮೀಟರ್‌ಗಳಷ್ಟು ಏರಿದೆ ಎಂದು ಇದು ತೋರಿಸುತ್ತದೆ. ಜೂನ್ 21 ರಂದು 15:00 ರ ಹೊತ್ತಿಗೆ, ಮೀಝೌ ನಗರದ ಪಿಂಗ್ಯುವಾನ್ ಕೌಂಟಿಯಲ್ಲಿ ಭಾರೀ ಮಳೆಯ ದುರಂತದಿಂದ ಒಟ್ಟು 38 ಸಾವು ಸಂಭವಿಸಿದೆ ಮತ್ತು ಇಬ್ಬರು ಕಾಣೆಯಾಗಿದ್ದಾರೆ ಎಂದು ಅಧಿಕಾರಿಗಳು ಘೋಷಿಸಿದರು.’ (ಮ್ಯಾಂಡರಿನ್‌ನಿಂದ ಇಂಗ್ಲಿಷ್‌ಗೆ ಅನುವಾದಿಸಲಾಗಿದೆ).
ಹಾಗಾಗಿ ಈ ದೃಶ್ಯಗಳು ಜೂನ್ 2024 ರಲ್ಲಿ ಚೀನಾದ ಗುವಾಂಗ್‌ಡಾಂಗ್ ಪ್ರಾಂತ್ಯದ ಮೀಝೌ ನಗರದ ಪಿಂಗ್ಯುವಾನ್ ಕೌಂಟಿಯಲ್ಲಿನ ಪ್ರವಾಹವನ್ನು ತೋರಿಸುತ್ತವೆ ಎಂದು ದೃಢಪಡಿಸಿದೆ.
2024年6月16日，梅州市平远县黄田村黄田水库突然泄洪，监控拍下平远县樟演村一处院子被淹没的过程，显示当地水位在3小时内爆长两米。当局宣布，截至6月21日15时，梅州市平远县强降雨灾害共造成38人死亡、2人失联。#大纪元爆料 #洪水 #泄洪 #梅州 pic.twitter.com/vZjHUOgFUm
— 大紀元爆料平台 (@china_epoch) June 24, 2024
ವೈರಲ್ ವೀಡಿಯೊದ ಸ್ಕ್ರೀನ್ಶಾಟ್‌ನಳನ್ನು ಹೊಂದಿರುವ ಜಿನ್ರಿಝಿಯಿ ಮತ್ತು ಸೊಹ್ಕ್ರಾಡಿಯೋ ಹಂಚಿಕೊಂಡ ಈ ವರದಿಗಳು 2024 ರ ಜೂನ್ 16 ರಂದು ಚೀನಾದ ಮೀಝೌ ನಗರವನ್ನು ಪ್ರವಾಹ ಅಪ್ಪಳಿಸಿದೆ ಎಂದು ಹೇಳಿದೆ. ಈ ಪ್ರವಾಹವು 38 ಸಾವುಗಳಿಗೆ ಕಾರಣವಾಯಿತು ಎಂದು ಅದು ಹೇಳಿದೆ.
ಈ ಸ್ಕ್ರೀನ್ ಶಾಟ್ ಚೀನೀ ವೆಬ್ ಸೈಟ್ ನಿಂದ ಲೇಖನದ ಅನುವಾದಿತ ಆವೃತ್ತಿಯನ್ನು ತೋರಿಸುತ್ತದೆ.ಒಟ್ಟಾರೆಯಾಗ ಹೇಳುವುದಾದರೆ, ವಯನಾಡಿನಲ್ಲಿ ಸಂಭವಿಸಿದ ಭೂಕುಸಿತದ ದೃಶ್ಯಗಳು ಎಂದು ಚೀನಾದಲ್ಲಿ 16 ಜೂನ್ 2024ರಂದು ಪ್ರವಾಹದಲ್ಲಿ ಮುಳುಗಿದ ಮನೆಯೊಂದರ ಹಳೆಯ ವಿಡಿಯೋವನ್ನು ಹಂಚಿಕೊಳ್ಳಲಾಗುತ್ತಿದೆ. ಹಾಗಾಗಿ ಪೋಸ್ಟ್‌ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
ನಿಮ್ಮ ಸುತ್ತಮುತ್ತ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಯು ಸುಳ್ಳು ಎಂದು ನಿಮಗೆ ಸಂದೇಹ ಬಂದಿದ್ದರೆ ಅದನ್ನು Ensuddi.com ವಾಟ್ಸಾಪ್ ನಂ 9108969301 ಗೆ ತಲುಪಿಸಿ. ನಾವು ಫ್ಯಾಕ್ಟ್‌ಚೆಕ್ ಮಾಡಿ ಸತ್ಯ ನಿಮ್ಮೆದುರು ಇಡುತ್ತೇವೆ
ಇದನ್ನು ಓದಿರಿ : FACT CHECK | ಜಾರ್ಖಂಡ್‌ ರೈಲು ಅಪಘಾತಕ್ಕೆ ಮುಸ್ಲಿಮರು ಕಾರಣವೆಂಬ ಕೋಮು ದ್ವೇಷದ ಚಿತ್ರ ವೈರಲ್! ಆದ್ರೆ ವಾಸ್ತವವೇನು?
